ନୂଆଦିଲ୍ଲୀ: ଭାରତର ପୂର୍ବତନ ରିଜର୍ଭ ବ୍ୟାଙ୍କ ଗଭର୍ଣ୍ଣର ରଘୁରାମ ରାଜନ ଚଳିତ ମାସ ୧୪ରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀଙ୍କ ସହ ଭାରତ ଯୋଡ଼ ଯାତ୍ରାରେ ଭାଗ ନେଇଥିଲେ। ରାଜସ୍ଥାନର ସାୱାଇ ମାଧୋପୁର ଦେଇ ଯାଇଥିବା ଭାରତ ଯୋଡ଼ ଯାତ୍ରା ସମୟରେ ଆରବିଆଇର ପୂର୍ବତନ ଗଭର୍ଣ୍ଣର ରଘୁରାମ ରାଜନ ରାହୁଲ ଗାନ୍ଧୀଙ୍କ ସହ ପାଦକୁ ପାଦ ମିଳାଇ ଚାଲିଥିଲେ | ଏହି ସମୟରେ, ରଘୁରାମ ରାଜନଙ୍କର ଏକ ସାକ୍ଷାତକାର ମଧ୍ୟ ସାମ୍ନାକୁ ଆସିଥିଲା, ଯେଉଁଥିରେ ରଘୁରାମ ରାଜନ ଅର୍ଥନୀତିର ଅନେକ ଦିଗ ଉପରେ ଆଲୋକପାତ କରିଥିଲେ। ତେବେ ରାହୁଲଙ୍କ ସହ ଭାରତ ଯୋଡ଼ ଯାତ୍ରାରେ ରଘୁରାମ ଯୋଗ ଦେଇଥିବାବେଳେ ଏହାକୁ ନେଇ ଚର୍ଚ୍ଚା ଜୋର ଧରିଛି |
