ଟୋକିଓ: ଚୀନ୍ ବ୍ୟତୀତ ଜାପାନରେ କରୋନା ମହାମାରୀ ତାଣ୍ଡବ ରଚାଇଛି। କୋଭିଡ -୧୯ର ତଥ୍ୟ ରଖୁଥିବା ୱାର୍ଲ୍ଡମିଟର ୱେବସାଇଟ୍ ଅନୁଯାୟୀ, ଗତକାଲି ଜାପାନରେ କରୋନା କାରଣରୁ ସର୍ବାଧିକ ମୃତ୍ୟୁ ଘଟିଥିଲା। ଗତକାଲି ଗୋଟିଏ ଦିନରେ ୩୨୬ ଜଣ ପ୍ରାଣ ହରାଇଥିବାବେଳେ ଅନ୍ୟ ଏକ ରିପୋର୍ଟ ଅନୁଯାୟୀ, ଜାପାନରେ କରୋନା ଯୋଗୁଁ ମୃତ୍ୟୁସଂଖ୍ୟାରେ ଏକ ବଡ଼ ଧରଣର ବୃଦ୍ଧି ଦେଖିବାକୁ ମିଳିଛି | ଗତ ତିନି ମାସ ମଧ୍ୟରେ ଜାପାନରେ କୋଭିଡ -୧୯ରେ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା ଗତବର୍ଷ ତୁଳନାରେ ପ୍ରାୟ ୧୬ ଗୁଣ ଅଧିକ ରହିଛି | ଜାପାନର ଜାତୀୟ ଦୈନିକ ଖବରକାଗଜ ଦି ମେନିଚି ଅନୁଯାୟୀ ଚଳିତ ବର୍ଷର କୋଭିଡ ଆକ୍ରାନ୍ତଙ୍କ ସଂଖ୍ୟା ଗତ ବର୍ଷ ତୁଳନାରେ ଅଧିକ ରହିଛି ।
