କୁହାଯାଏ ଭାରତରେ ପ୍ରତିଭାର ଅଭାବ ନାହିଁ | ଆଜି ଭାରତୀୟମାନେ ସାରା ବିଶ୍ୱରେ ପ୍ରାଧାନ୍ୟ ବିସ୍ତାର କରୁଛନ୍ତି। ତେବେ ବର୍ତ୍ତମାନ ଦୁଇଜଣ ଭାରତୀୟ ଦେଶ ପାଇଁ ଗୌରବ ଆଣିଛନ୍ତି | ଏହି ଦୁଇଜଣ ମାତ୍ର ୩ ଦିନରେ ୭ଟି ମହାଦେଶ ଭ୍ରମଣ କରି ଏକ ବିଶ୍ୱ ରେକର୍ଡ ସୃଷ୍ଟି କରିଛନ୍ତି | ଆଉ ଏହି ଦୁଇ ଭାରତୀୟଙ୍କ ରେକର୍ଡ ବାବଦରେ ଜାଣିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି | ଏହି ଦୁଇ ଭାରତୀୟ ହେଉଛନ୍ତି ଡ.ଅଲି ଇରାନୀ ଏବଂ ସୁଜୟ କୁମାର ମିତ୍ର | ଏହି ଦୁଇଜଣ ଖୁବ୍ କମ୍ ସମୟ ମଧ୍ୟରେ ସମସ୍ତ ସାତଟି ମହାଦେଶରେ ଭ୍ରମଣ କରି ନୂତନ ଗିନିଜ୍ ୱାର୍ଲ୍ଡ ରେକର୍ଡ ସୃଷ୍ଟି କରିଛନ୍ତି। ଏହି ଯାତ୍ରା ଶେଷ କରିବାକୁ ଉଭୟ ମାତ୍ର ୭୩ ଘଣ୍ଟା ସମୟ ନେଇଥିଲେ |
