ଗୁଜୁରାଟର କଚ୍ଛରେ ସୋମବାର ସକାଳେ ପୁଣି ଭୂମିକମ୍ପର ଝଟକା ଲାଗିଛି। ରିକ୍ଟର ସ୍କେଲରେ ଏହାର ତୀବ୍ରତା ୩.୨ ରହିଥିବା ଜଣାପଡ଼ିଛି।
ସୂଚନାଯୋଗ୍ୟ, ଭୂମିକମ୍ପର ଝଟକା ସୋମବାର ସକାଳ ପାଖାପାଖି ୭.୩୫ରେ ଲାଗିଥିବା ସ୍ଥାନୀୟଲୋକେ କହିଛନ୍ତି। ତେବେ ଏହି ଭୂମିକମ୍ପ ଝଟକାରେ ଲୋକେ ଭୟଭୀତ ହୋଇ ଘରୁ ଚାଲି ଆସିଥିବାବେଳେ, ଏଥିରେ କାହାରି କିଛି କ୍ଷତି ହୋଇ ନଥିବା ଜଣାପଡ଼ିଛି। କିନ୍ତୁ କିଛିଦିନ ମଧ୍ୟରେ କଚ୍ଛରେ ଦ୍ବିତୀୟଥର ପାଇଁ ଭୂମିକମ୍ପର ଝଟକା ଲାଗିଥିବାରୁ ଲୋକଙ୍କ ମନରେ ଛାନିଆ ପଶିଯାଇଛି।
ଆହୁରି ପଢ଼ନ୍ତୁ...
ତେବେ କିଛିଦିନ ପୂର୍ବରୁ ମାର୍ଚ୍ଚ ୧୩ ତାରିଖରେ କଚ୍ଛରେ ଭୂମିକମ୍ପ ଝଟକା ଅନୁଭୂତ ହୋଇଥିଲା। ଏହି ଭୂମିକମ୍ପ ଝଟକା ରିକ୍ଟର ସ୍କେଲରେ ୩.୯ ରେକର୍ଡ ହୋଇଥିଲା। ଏହି ଭୂମିକମ୍ପରେ କଚ୍ଛ ଅଞ୍ଚଳରେ କିଛିକ୍ଷତି ହୋଇ ନଥିବା ବେଳେ ଅଞ୍ଚଳବାସୀ ବି ସୁରକ୍ଷିତ ରହିଥିଲେ। କିନ୍ତୁ ଭୟରେ ଘର ବାହାରକୁ ଚାଲି ଆସିଥିଲେ।