୮୦ ବର୍ଷୀୟା ମା’ଙ୍କୁ ନିର୍ଯାତନା ଦେଇ ଘରୁ ବାହାର କରିଦେଲେ ପୁଅ

ଭଦ୍ରକ: ଜଣେ ୮୦ ବର୍ଷୀୟା ବୃଦ୍ଧାଙ୍କୁ ତାଙ୍କ ପୁଅ ମାଡ ମାରିବା ପରେ ଲଗାତାର ୬ ଦିନ ଧରି ଭୋକ ଉପାସରେ ରଖିଥିଲେ ବୋଲି ଅଭିଯୋଗ ଆସିଛି। ମହିଳାଙ୍କୁ ତାଙ୍କ ୪ ପୁଅ ମାଡ଼ ମାରି ଘରୁ ବାହାର କରି ଦେଇଥିବା ଅଭିଯୋଗ ହୋଇଛି। ଭଦ୍ରକ ଜିଲ୍ଲାର ଚାନ୍ଦବାଲି ବ୍ଲକରେ ଏହି ଅଭାବନୀୟ ଘଟଣା ଘଟିଛି। ବୃଦ୍ଧାଙ୍କ ନାମ କୌଶଲ୍ୟା ବୋଲି ଜଣାପଡ଼ିଛି। ୪ ପୁଅ, ୪ ବୋହୂ ଓ ୭ ନାତିନାତୁଣୀ ଥିବା ସତ୍ତ୍ୱେ ତାଙ୍କୁ କେହି ପଚାରୁ ନାହାନ୍ତି।

ସେ କହିଛନ୍ତି ଯେ ୧୫ ବର୍ଷ ପୂର୍ବେ ତାଙ୍କ ସ୍ୱାମୀଙ୍କ ଦେହାନ୍ତ ହେବା ପରେ ତାଙ୍କ ପରିବାର ଲୋକେ ତାଙ୍କୁ କେବଳ ଖାଇବାକୁ ମନା କରିନଥିଲେ ବରଂ ତାଙ୍କୁ ଶାରୀରିକ ନିର୍ଯାତନା ମଧ୍ୟ ଦେଇଥିଲେ। ଏହି ଘଟଣା ସାମନାକୁ ଆସିବା ପରେ ସାମାଜିକ ସୁରକ୍ଷା ଅଧିକାରୀ ଶାଳବୀ କୁମାର ଦାସ, ଉପଜିଲ୍ଲାପାଳ ସୁଭାଷ ଚନ୍ଦ୍ର ନାୟକ ଓ ବ୍ଲକ ଅଧିକାରୀ ବିଶ୍ୱ ରଞ୍ଜନ କୌଶଲ୍ୟାଙ୍କ ଘରେ ତାଙ୍କୁ ଦେଖା କରି ସମସ୍ତ ପ୍ରକାର ସହାୟତା କରିବେ ବୋଲି ପ୍ରତିଶ୍ରୁତି ଦେଇଛନ୍ତି। ଜିଲ୍ଲା ରେଡକ୍ରସ ପାଣ୍ଠି ତରଫରୁ ତାଙ୍କୁ ୧୦ ହଜାର ଟଙ୍କା ପ୍ରଦାନ କରିବା ସହ ଅଧିକାରୀମାନେ ତାଙ୍କ ପରିବାର ଲୋକଙ୍କୁ କଡ଼ା ଚେତାବନୀ ମଧ୍ୟ ଦେଇଛନ୍ତି।