ରାଜ୍ୟରେ ବନ୍ୟା ସ୍ଥିତି ନାହିଁ: ଇଆଇସି

ଭୁବନେଶ୍ୱର: ରାଜ୍ୟରେ କିଛି ଦିନ ଧରି ବର୍ଷା ଲାଗି ରହିଥିବା ଯୋଗୁଁ ତଳିଆ ଅଞ୍ଚଳରେ ପାଣି ଘେରରେ ରହିଛି। ତେବେ ରାଜ୍ୟରେ ବନ୍ୟା ପରିସ୍ଥିତି ଉପୁଜି ନାହିଁ ବୋଲି କହିଛନ୍ତି ଜଳସମ୍ପଦ ସର୍ବୋଚ୍ଚ ଯନ୍ତ୍ରୀ। ଇଆଇସି କହିଛନ୍ତି ଯେ, ରାଜ୍ୟର ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ତଳି ଅଞ୍ଚଳରେ ପାଣି ପଶିଛି। କିନ୍ତୁ ତଳି ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇନାହିଁ। ହୀରାକୁଦର ଏଯାବତ ୨୬ଟି ଗେଟ ଖୋଲା ଯାଇଥିବା ବେଳେ ଆହୁରି ୨ରୁ ୩ ଦିନ ଯାଏ ଏମିତି ଚାଲିବ। ସେହିଭଳି ହୀରାକୁଦକୁ ୪.୫୦ ଲକ୍ଷ ପାଣି ପଶୁଥିବା ବେଳେ ୪.୫୫ ଲକ୍ଷ କ୍ୟୁସେକ ଜଳ ବାହାରୁଛି।

ଅନ୍ୟପକ୍ଷରେ ରାଜ୍ୟରେ ନିଅଣ୍ଟିଆ ବର୍ଷା ହେଉଛି। ମାତ୍ର ୨ଟି ଜିଲ୍ଲା ଯଥା ବୌଦ୍ଧ ଓ ଝାରସୁଗୁଡ଼ା ଜିଲ୍ଲାରେ ଅତ୍ୟଧିକ ବର୍ଷା, ୨୪ଟି ଜିଲ୍ଲାରେ ସ୍ୱାଭାବିକ ବର୍ଷା ଓ ୪ଟି ଜିଲ୍ଲା ଯଥା ନବରଙ୍ଗପୁର, କଳାହାଣ୍ଡି, କେନ୍ଦ୍ରାପଡ଼ା ଓ ପୁରୀ ଜିଲ୍ଲାରେ ନିଅଣ୍ଟିଆ ବର୍ଷା ହୋଇଛି।