କନ୍ଧମାଳ, ୦୪/୦୯: କନ୍ଧମାଳ ଜିଲ୍ଲା ଟୁଡ଼ି ବାହାଲ ଜଙ୍ଗଲରେ ମାଓ କ୍ୟାମ୍ପକୁ ଠାବ କରିଛି ଓଡ଼ିଶା ପୁଲିସର ସ୍ପେଶାଲ ଅପରେସନ୍ ଗ୍ରୁପ୍ (ଏସ୍ଓଜି)। ମାଓ କ୍ୟାମ୍ପ ନିକଟରେ ଖାଦ୍ୟ ସାମଗ୍ରୀ, ଔଷଧ, ସାଲାଇନ୍ ଓ ବିସ୍ଫୋରକ ସାମଗ୍ରୀ ସମେତ ବିଭିନ୍ନ ସାମଗ୍ରୀ ସହ ଏକ କ୍ୟାମ୍ପ ଠାବ କରାଯାଇଛି। ଏସଓଜି ଟିମ୍ ଏହି ଅଞ୍ଚଳରେ ମାଓବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇ ସର୍ଚ୍ଚ ଅପରେସନ ଆରମ୍ଭ କରିଥିଲା। ତେବେ ମାଓବାଦୀମାନେ ମିଳିନଥିଲେ ବୋଲି କନ୍ଧମାଳ ଆରକ୍ଷୀ ଅଧୀକ୍ଷକ ମାଓ କ୍ୟାମ୍ପ ଠାବ ହେବା ନେଇ ସୂଚନା ଦେଇଛନ୍ତି।
