ଭୁବନେଶ୍ୱର, ୩୧/୧୨: ଚଳିତ ବର୍ଷ ନବ ବର୍ଷ ପାଳିବେ ନାହିଁ ବିରୋଧୀ ଦଳ ନେତା ନବୀନ ପଟ୍ଟନାୟକ। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ବିୟୋଗରେ ଦେଶରେ ୭ ଦିନିଆ ରାଷ୍ଟ୍ରୀୟ ଶୋକ ପାଳନ କରାଯାଉଥିବାରୁ ବିରୋଧୀ ଦଳ ନେତା ନବୀନ ପଟ୍ଟନାୟକ ନୂଆବର୍ଷ ପାଳନ କରିବେ ନାହିଁ। ଅଦିନିଆ ବର୍ଷାରେ ଫସଲ ନଷ୍ଟ ହୋଇଥିବା ବେଳେ ଚାଷୀଙ୍କୁ ସମବେଦନା ଜଣାଇ ନୂଆବର୍ଷ ପାଳିବେ ନାହିଁ ବୋଲି ନବୀନ କହିଛନ୍ତି। ନୂଆବର୍ଷର ଅଭିନନ୍ଦନ ଜଣାଇବା ପାଇଁ ତାଙ୍କ ବାସଭବନକୁ ନ ଯିବାକୁ ସେ ଶୁଭେଚ୍ଛୁଙ୍କୁ ଅନୁରୋଧ କରିଛନ୍ତି।
