‘ଅପରେସନ ଶକ୍ତି’ ସ୍ମୃତିରେ ଆଜି ପାଳନ ହେଉଛି ‘ଜାତୀୟ ପ୍ରଯୁକ୍ତି ବିଦ୍ୟା ଦିବସ’

ଆଜିର ତାରିଖ ୧୧ ମଇ ୨୦୨୫

ଜାତୀୟ ପ୍ରଯୁକ୍ତି ବିଦ୍ୟା ଦିବସ:- ଭାରତର ପ୍ରମୁଖ ବୈଷୟିକ ସଫଳତାକୁ ସ୍ମରଣ କରିବା ଉଦ୍ଦେଶ୍ୟରେ ପ୍ରତିବର୍ଷ ମେ ୧୧ ତାରିଖକୁ ଜାତୀୟ ପ୍ରଯୁକ୍ତି ବିଦ୍ୟା ଦିବସ ଭାବେ ପାଳନ କରାଯାଏ। ୧୯୯୮ ମସିହା ଆଜିର ଦିନରେ ଅପରେସନ ଶକ୍ତି ଅଧୀନରେ ଭାରତ ସଫଳତାର ସହ ପୋଖରାନ-୨ ପରମାଣୁ ପରୀକ୍ଷଣ କରିଥିଲା। ସେହି ଦିନ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ବିମାନ ହଂସା-୩ ଏହାର ପ୍ରଥମ ଉଡ଼ାଣ କରିଥିଲା। ତତ୍କାଳୀନ ଭାରତର ପ୍ରଧାନମନ୍ତ୍ରୀ ଅଟଳ ବିହାରୀ ବାଜପାୟୀ ମେ ୧୧ ତାରିଖକୁ ‘ଜାତୀୟ ପ୍ରଯୁକ୍ତି ବିଦ୍ୟା ଦିବସ’ ଭାବେ ପାଳନ କରିବାକୁ ଘୋଷଣା କରିଥିଲେ।

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ଅସଫ ଅଲ୍ଲୀ (୧୧ ମଇ ୧୮୮୮ – ୨ ଏପ୍ରିଲ ୧୯୫୩), ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ ଏବଂ ଓକିଲ ଥିଲେ। ସେ ଯୁକ୍ତରାଷ୍ଟ୍ର ଆମେରିକାରେ ପ୍ରଥମ ଭାରତୀୟ ରାଷ୍ଟ୍ରଦୂତ। ସେ ଦୁଇ ଥର ଓଡ଼ିଶାର ରାଜ୍ୟପାଳ ଏବଂ ପରେ ସ୍ୱିଜରଲ୍ୟାଣ୍ଡରେ ଭାରତୀୟ ରାଷ୍ଟ୍ରଦୂତ ଭାବେ ନିଯୁକ୍ତ ହୋଇଥିଲେ।

୨. ଡକ୍ଟର ଶୁଦ୍ଧାନନ୍ଦ ଭାରତୀ (୧୧ ମଇ ୧୮୯୭ – ୭ ମାର୍ଚ୍ଚ ୧୯୯୦), ଜଣେ ଭାରତୀୟ ଦାର୍ଶନିକ ଏବଂ କବି। ସେ ୨୫୦ରୁ ଅଧିକ ପ୍ରକାଶିତ ପୁସ୍ତକ ଲେଖିଛନ୍ତି। ତନ୍ମଧ୍ୟରୁ ୧୭୩ଟି ତାମିଲରେ, ୫୦ଟି ଇଂରାଜୀରେ, ୧୦ଟି ଫ୍ରେଞ୍ଚ ଭାଷାରେ, ୪ଟି ହିନ୍ଦୀରେ ଏବଂ ୩ଟି ତେଲୁଗୁରେ ଲେଖିଛନ୍ତି।

୩. ବୈଲୋପିଲି ଶ୍ରୀଧର ମେନନ (୧୧ ମଇ ୧୯୧୧ – ୨୨ ଡିସେମ୍ବର ୧୯୮୫) ମାଲୟାଲମ ଭାଷାର ଜଣେ କବି ଏବଂ ପୁରୁଣା କଳା ସାହିତ୍ୟ ସଂଘର ପ୍ରତିଷ୍ଠାତା ସଭାପତି। ସେ ମେନନ ସାହିତ୍ୟ ଏକାଡେମୀ ପୁରସ୍କାର, କବିତା ପାଇଁ କେରଳ ସାହିତ୍ୟ ଏକାଡେମୀ ପୁରସ୍କାର, ଭାୟାଲାର ପୁରସ୍କାର ଏବଂ ଓଡାକ୍କୁଜାଲ ପୁରସ୍କାର ସମେତ ଅନେକ ସମ୍ମାନ ପାଇଥିଲେ।

୪. ମୃଣାଳିନୀ ବିକ୍ରମ ସାରାଭାଇ (୧୧ ମଇ ୧୯୧୮ – ୨୧ ଜାନୁଆରୀ ୨୦୧୬), ଜଣେ ଭାରତୀୟ ଶାସ୍ତ୍ରୀୟ ନୃତ୍ୟଶିଳ୍ପୀ, କୋରିଓଗ୍ରାଫର, ପ୍ରଶିକ୍ଷକ ଏବଂ ଅହମ୍ମଦାବାଦର ଦର୍ପଣ ଏକାଡେମୀ ଅଫ୍ ପର୍ଫର୍ମିଂ ଆର୍ଟସର ପ୍ରତିଷ୍ଠାତା ଏବଂ ନିର୍ଦ୍ଦେଶିକା। ୧୯୯୨ମସିହାରେ ଭାରତ ସରକାର ତାଙ୍କୁ ଜାତୀୟ ବେସାମରିକ ସମ୍ମାନ ପଦ୍ମଭୂଷଣ ଓ ୧୯୬୫ମସିହାରେ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଥିଲେ।

୫. ବିନୀତ ଶରଣ (୧୧ ମଇ ୧୯୫୭) ସୁପ୍ରିମ୍ କୋର୍ଟର ବିଚାରପତି। ସେ ଓଡ଼ିଶା ହାଇକୋର୍ଟର ପୂର୍ବତନ ମୁଖ୍ୟ ବିଚାରପତି। ସେ କର୍ଣ୍ଣାଟକ ହାଇକୋର୍ଟ ଓ ଆହ୍ଲାବାଦ ହାଇକୋର୍ଟର ପୂର୍ବତନ ବିଚାରପତି। ଶରଣ ୨୦୧୮ ଅଗଷ୍ଟ ୭ରେ ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତି ଭାବେ ନିଯୁକ୍ତ ହୋଇଥିଲେ।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

ଏସ୍ ଏମ୍ ନନ୍ଦ (୧୦ ଅକ୍ଟୋବର ୧୯୧୫ – ୧୧ ମଇ ୨୦୦୯), ଜଣେ ଭାରତୀୟ ନୌସେନା ଆଡମିରାଲ ଯିଏ କି ୧ ମାର୍ଚ୍ଚ ୧୯୭୦ରୁ ୨୮ ଫେବୃଆରୀ ୧୯୭୩ ପର୍ଯ୍ୟନ୍ତ ଅଷ୍ଟମ ନୌସେନା ମୁଖ୍ୟ ଭାବରେ କାର୍ଯ୍ୟ କରିଥିଲେ। ୧୯୭୧ ମସିହା ଭାରତ-ପାକିସ୍ତାନ ଯୁଦ୍ଧ ସମୟରେ ସେ ଭାରତୀୟ ନୌସେନାର ନେତୃତ୍ୱ ନେଇଥିଲେ। ସେ ତାଙ୍କ କ୍ୟାରିୟରରେ ପଦ୍ମବିଭୂଷଣ, ପରମ ବିଶିଷ୍ଟ ସେବା ପଦକ, ଅତି ସ୍ୱତନ୍ତ୍ର ସେବା ପଦକ ଭଳି ପୁରସ୍କାର ପାଇଥିଲେ।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୫୦୨ – କ୍ରିଷ୍ଟୋଫର କଲମ୍ବସ “ଇଣ୍ଡିଜ”କୁ ଚତୁର୍ଥ ଯାତ୍ରା ଆରମ୍ଭ କରିଥିଲେ।

୧୭୮୪ – ଇଂରେଜ ଓ ମହୀଶୂରର ଶାସକ ଟିପୁ ସୁଲତାନଙ୍କ ମଧ୍ୟରେ ଚୁକ୍ତି ହୋଇଥିଲା।

୧୮୧୪ – ଆମେରିକୀୟମାନେ ପ୍ଲାଟବର୍ଗ ଯୁଦ୍ଧରେ ବ୍ରିଟିଶମାନଙ୍କୁ ପରାସ୍ତ କରିଥିଲେ।

୧୮୯୩ – ହେନରି ଡେସଗ୍ରାଞ୍ଜ ଏକ ଘଣ୍ଟାରେ ୩୫.୩୨୫ କିଲୋମିଟର (୨୧.୯୫ ମାଇଲ) ଯାତ୍ରା କରି ବିଶ୍ୱର ପ୍ରଥମ ସାଇକେଲ ଚାଳକ ଭାବେ ବିଶ୍ୱ ରେକର୍ଡ ସ୍ଥାପନ କରିଥିଲେ।

୧୯୫୧ – ରାଷ୍ଟ୍ରପତି ରାଜେନ୍ଦ୍ର ପ୍ରସାଦ ନବନିର୍ମିତ ସୋମନାଥ ମନ୍ଦିରକୁ ଉଦ୍ ଘାଟନ କରିଥିଲେ।

୧୯୫୩ – ଟେକ୍ସାସ ୱାକୋ ସହରରେ ଏକ ଶକ୍ତିଶାଳୀ ଟର୍ନେଡୋ ବିସ୍ଫୋରଣ ହୋଇଥିଲା। ଏଥିରେ ୧୧୪ ଜଣଙ୍କ ମୃତ୍ୟୁ ହୋଇଥିଲା ଏବଂ ପାଖାପାଖି ୬୦୦ ଜଣ ଆହତ ହୋଇଥିଲେ।

୧୯୫୫ – ଇସ୍ରାଏଲ ଗାଜା ଉପରେ ଆକ୍ରମଣ କରିଥିଲା।

୧୯୬୫ – ବାଂଲାଦେଶରେ ସାମୁଦ୍ରିକ ଝଡ଼ରେ ୧୭ ହଜାର ଲୋକ ପ୍ରାଣ ହରାଇଥିଲେ।

୧୯୮୫ – ବ୍ରିଟେନର ବ୍ରାଡଫୋର୍ଡ ସିଟି ଫୁଟବଲ ଷ୍ଟାଡିୟମରେ ଏକ ମ୍ୟାଚ୍ ବେଳେ ଅଗ୍ନିକାଣ୍ଡ ଘଟି ୫୨ ଜଣଙ୍କ ମୃତ୍ୟୁ ହୋଇଥିଲା ଏବଂ ଅନେକ ଆହତ ହୋଇଥିଲେ।

୧୯୯୮ – ଆଜିର ଦିନରେ ଭାରତ ପୋଖରାନ-୨ ପରମାଣୁ ସଫଳ ଭାବେ ପରୀକ୍ଷଣ କରିଥିଲା। ଏହାକୁ ମନେ ପକାଇବା ପାଇଁ ଭାରତ ଜାତୀୟ ପ୍ରଯୁକ୍ତି ବିଦ୍ୟା ଦିବସ ପାଳନ କରିଥାଏ।

୨୦୦୦ – ଜନସଂଖ୍ୟା ଅନୁସାରେ ଭାରତର ଜନସଂଖ୍ୟା ୧୦୦ କୋଟିରେ ପହଞ୍ଚିଥିଲା।