ସମ୍ବଲପୁର, ୦୨/୧୧: ମହାନଦୀ କୋଲଫିଲ୍ଡସ୍ ଲିମିଟେଡ୍ (MCL)କୁ ୮ଟି କୋଲ୍ ଇଣ୍ଡିଆ ପୁରସ୍କାର ମିଳିଛି। ଯେଉଁଥିରେ ୬ଟି କର୍ପୋରେଟ୍ ଏବଂ ୨ଟି ବ୍ୟକ୍ତିଗତ ପୁରସ୍କାର ରହିଛି।
୫୧ତମ ପ୍ରତିଷ୍ଠା ଦିବସ ପାଳନ ଅବସରରେ କୋଲକାତାରେ କୋଲ୍ ଇଣ୍ଡିଆର ମୁଖ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ କର୍ପୋରେଟ୍ ସୁରକ୍ଷା, କର୍ପୋରେଟ୍ ପ୍ରଦର୍ଶନ ଏବଂ ICCC ଏବଂ IT ପଦକ୍ଷେପର ସମନ୍ୱୟ ପାଇଁ MCL ୩ଟି ପ୍ରଥମ ପୁରସ୍କାର ସହିତ ଅନ୍ୟାନ୍ୟ ବର୍ଗରେ ୩ଟି ଦ୍ୱିତୀୟ ପୁରସ୍କାର ପାଇଛି।
ସେହିପରି MCL ଦୁଇଟି ବ୍ୟକ୍ତିଗତ ଉତ୍କର୍ଷତା ପୁରସ୍କାର ମଧ୍ୟ ପାଇଛି। ଶ୍ରେଷ୍ଠ ଆଞ୍ଚଳିକ ମହାପ୍ରବନ୍ଧକ ଭାବରେ ଶ୍ରୀ ଏକେ ଧଳ, ଆଞ୍ଚଳିକ ମହାପ୍ରବନ୍ଧକ (ଜଗନ୍ନାଥ ଅଞ୍ଚଳ) ଏବଂ ଶ୍ରୀ ଏକେ ଲାକ୍ରା, ମହାପ୍ରବନ୍ଧକ (ମାର୍କେଟିଂ ଏବଂ ବିକ୍ରୟ), MCL ମୁଖ୍ୟାଳୟ, ଶ୍ରେଷ୍ଠ ବିଭାଗ ମୁଖ୍ୟ ଭାବରେ ପୁରସ୍କୃତ ହୋଇଥିଲେ।
ଶ୍ରୀଯୁକ୍ତ ଉଦୟ ଅନନ୍ତ କାଓଲେ, ଅଧ୍ୟକ୍ଷ-ସହ-ପରିଚାଳନା ନିର୍ଦ୍ଦେଶକ, ଏହି ପୁରସ୍କାର ସଫଳତା ପାଇଁ MCL କୁ ଅଭିନନ୍ଦନ ଜଣାଇ କହିଛନ୍ତି, “ଏହି ପୁରସ୍କାର MCLର ଉତ୍ସର୍ଗୀକୃତତା ଏବଂ ଦଳଗତ କାର୍ଯ୍ୟର ପ୍ରମାଣ।”