ବିଶ୍ୱ ହିନ୍ଦୀ ଦିବସ ଅବସରରେ ଏମ୍.ସି.ଏଲ୍. ରେ ରାଜଭାଷା ସେମିନାର ଆୟୋଜିତ

ସମ୍ବଲପୁର, ୧୦/୦୧: ବିଶ୍ୱ ହିନ୍ଦୀ ଦିବସ-୨୦୨୬ ଅବସରରେ ମହାନଦୀ କୋଲଫିଲ୍ଡସ୍ ଲିମିଟେଡ୍ (ଏମ୍ସିଏଲ୍) ମୁଖ୍ୟାଳୟରେ ଏମ୍ସିଏଲ୍ ନିର୍ଦ୍ଦେଶକ (ମାନବ ସମ୍ବଳ) ଶ୍ରୀ କେଶବ ରାଓଙ୍କ ଅଧ୍ଯକ୍ଷତାରେ “ଜଗତୀକରଣ ଯୁଗରେ ହିନ୍ଦୀର ଭୂମିକା ଏବଂ ସମ୍ଭାବନା” ଉପରେ ରାଜଭାଷା ସେମିନାର ଆୟୋଜନ କରାଯାଇଛି। ନିର୍ଦ୍ଦେଶକ (ମାନବ ସମ୍ବଳ) ଶ୍ରୀ କେଶବ ରାଓ କହିଥିଲେ ଯେ ହିନ୍ଦୀ ଭାଷାର ଜଗତୀକରଣରେ ପର୍ଯ୍ଯଟନ ଏବଂ ଚଳଚ୍ଚିତ୍ର ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛନ୍ତି।  ଚଳଚ୍ଚିତ୍ରକୁ ସଫ୍ଟ ପାୱାର ଭାବେ ବର୍ଣ୍ଣନା କରି ସେ ହିନ୍ଦୀ ଭାଷାର ପ୍ରଚାର ପ୍ରସାରରେ ବିପଣନର ଭୂମିକାକୁ ରେଖାଙ୍କିତ କରିଥିଲେ ଏବଂ ହିନ୍ଦୀରେ ମେଡ଼ିକାଲ ଏବଂ ଇଞ୍ଜିନିୟରିଂ ଶିକ୍ଷାର ଉପଲବ୍ଧତାକୁ ଏକ ସକାରାତ୍ମକ ପରିବର୍ତ୍ତନ ବୋଲି ବର୍ଣ୍ଣନା କରିଥିଲେ।

ଏହି କାର୍ଯ୍ଯକ୍ରମରେ ଏମ୍.ସି.ଏଲ୍. ରେ ରାଜଭାଷା ହିନ୍ଦୀକୁ ପ୍ରଭାବୀ ଢଙ୍ଗରେ କାର୍ଯ୍ଯକାରୀ କରାଯିବା ଉପରେ ମହାପ୍ରବନ୍ଧକ (ରାଜଭାଷା) ଶ୍ରୀ ସମ୍ବିତ ପଟ୍ଟନାୟକ ଆଲୋକପାତ କରିଥିଲେ।

ମୁଖ୍ଯ ବକ୍ତା ଡଃ ଅଭିଜିତ୍ ସିଂ, ସହକାରୀ ପ୍ରଫେସର, ବିଦ୍ୟାସାଗର ମହିଳା ମହାବିଦ୍ୟାଳୟ, କୋଲକାତା “ବସୁଧୈବ କୁଟୁମ୍ବକମ୍” ର ଧାରଣା ସହିତ ନିଜର ଅଭିଭାଷଣ ଆରମ୍ଭ କରିଥିଲେ।  ସେ କହିଥିଲେ ଯେ ୧୯୯୯ ମସିହାରେ ଟୋକିଓ ମେସିନ୍ ଟ୍ରାନ୍ସଲେସନ ଦ୍ୱାରା କରାଯାଇଥିବା ଏକ ଅଧ୍ଯୟନରେ ହିନ୍ଦୀକୁ ବିଶ୍ୱରେ ଦ୍ୱିତୀୟ ସର୍ବାଧିକ ବ୍ଯବହୃତ ଭାଷା ଭାବେ ସ୍ଥାନିତ କରାଯାଇଥିଲା, ଯାହା ଏହାର ସଂଖ୍ୟାଗତ ସାମର୍ଥ୍ଯକୁ ଦର୍ଶାଉଛି।  ସେ କହିଥିଲେ, ହିନ୍ଦୀ ଭାଷାଭାଷୀଙ୍କ ଶକ୍ତି ଦୃଢ଼, କିନ୍ତୁ ବର୍ତ୍ତମାନର ସମୟରେ ହିନ୍ଦୀ ଭାଷାର ସ୍ତର ଏବଂ ଉପଯୋଗିତାକୁ ଆହୁରି ସୁଦୃଢ଼ କରିବାର ଆବଶ୍ଯକତା ରହିଛି। ନିକଟରେ ଲଣ୍ଡନ ବିଶ୍ୱବିଦ୍ୟାଳୟର ହିନ୍ଦୀ ସାମ୍ବାଦିକତା ଲାଇବ୍ରେରୀ ବିଭାଗ ବିଷୟରେ ଉଲ୍ଲେଖ କରି ସେ କହିଥିଲେ ଯେ ଏହା ହେଉଛି ହିନ୍ଦୀ ଭାଷାର ବୈଶ୍ୱିକ ଉପସ୍ଥିତିର ପ୍ରମାଣ।  ସୋସିଆଲ ମିଡିଆ, ହିନ୍ଦୀ ସାହିତ୍ଯ ଏବଂ ହିନ୍ଦୀ ପଡକାଷ୍ଟର ଭୂମିକାକୁ ପ୍ରଶଂସା କରି ସେ ହିନ୍ଦୀକୁ କର୍ପୋରେଟ କ୍ଷେତ୍ର ସହିତ ଯୋଡ଼ିବାର ଆବଶ୍ଯକତା ଉପରେ ଗୁରୁତ୍ୱାରୋପ କରିଥିଲେ।  ଏହି କର୍ମଶାଳାରେ ମୁଖ୍ୟାଳୟର ବିଭାଗୀୟ ମୁଖ୍ଯ, ରାଜଭାଷା ଅଧିକାରୀ, ହିନ୍ଦୀ ଅଧିକାରୀ ଏବଂ ଆଞ୍ଚଳିକ କାର୍ଯ୍ୟାଳୟର କର୍ମଚାରୀମାନେ ଯୋଗ ଦେଇଥିଲେ।