ମୁମ୍ବାଇ: ଆତଙ୍କବାଦକୁ ନେଇ ମିଳିତ ଜାତିସଂଘ ସୁରକ୍ଷା ପରିଷଦର ଦୁଇଟି ବୈଠକ ଆୟୋଜନ କରିବ ଭାରତ। ଚଳିତ ମାସ ଶେଷ ଆଡକୁ ଏହି ବୈଠକ ଅନୁଷ୍ଠିତ ହେବ। ଖାସ୍ କଥା ଏଥିରୁ ଗୋଟିଏ ବୈଠକ ମୁମ୍ବାଇର ସେହି ତାଜ୍ ହୋଟେଲ୍ରେ ହେବ, ଯେଉଁଠି ୨୦୦୮ରେ ଆତଙ୍କବାଦୀ ଆକ୍ରମଣ ଘଟିଥିଲା। ମିଳିତ ଜାତିସଂଘ ସୁରକ୍ଷା ପରିଷଦର ବୈଠକ ନିଜ ମୁଖ୍ୟାଳୟ ବାହାରେ ଆୟୋଜିତ ହେବା ବହୁତ ବିରଳ ଘଟଣା। ଭାରତରେ ନୂଆଦିଲ୍ଲୀ ଏବଂ ମୁମ୍ବାଇରେ ଏହି ଦୁଇ ବୈଠକ ଆୟୋଜିତ ହେବ।
ଆହୁରି ପଢ଼ନ୍ତୁ...
୨୦୧୫ ପରେ ପ୍ରଥମ ଥର ନ୍ୟୁୟର୍କ ବାହାରେ ୟୁଏନଏସସିର ପ୍ରଥମ ବୈଠକ ହେବାକୁ ଯାଉଛି। ମିଳିତ ଜାତସଂଘର ଆତଙ୍କ ନିରୋଧୀ କମିଟିରେ ୧୫ ସ୍ଥାୟୀ ଏବଂ ଅସ୍ଥାୟୀ ସଦସ୍ୟ ଅଛନ୍ତି। ୨୦୨୨ରେ ଭାରତ ଏହି କମିଟିର ଅଧ୍ୟକ୍ଷତା କରୁଛି। ଆତଙ୍କବାଦ ବିରୋଧରେ ଭାରତର ପଦକ୍ଷେପକୁ ଦୃଷ୍ଟିରେ ରଖି ୟୁଏନଏସସି ନିଜର ବୈଠକ ଭାରତରେ କରିବାକୁ ନିଷ୍ପତ୍ତି ନେଇଛି।