ଆଦିତ୍ୟ ଆଲୁମିନିୟମ୍, ଲପଙ୍ଗା ପକ୍ଷରୁ ଗ୍ରୀଷ୍ମକାଳୀନ ଜଳ ସଂକଟକୁ ଦୂର କରିବା ପାଇଁ “ଜଳ ବାହିନୀ ପ୍ରକଳ୍ପ” ଉଦ୍ଘାଟନ

ଲପଙ୍ଗା, ୦୧/୦୪: ଗୋଷ୍ଠୀ ଉନ୍ନୟନ ପଦକ୍ଷେପ ର ସିଏସଆର ଅଧୀନରେ ଆଦିତ୍ୟ ଆଲୁମିନିୟମ୍, ଲପଙ୍ଗା ପକ୍ଷରୁ ରେଙ୍ଗାଲି ବ୍ଲକର ବୋମାଲୋଇ ଗ୍ରାମ ପଞ୍ଚାୟତରେ “ଜଳ ବାହିନୀ ପ୍ରକଳ୍ପ” ଉଦ୍ଘାଟନ କରାଯାଇଛି। ଏହି ପଦକ୍ଷେପର ଲକ୍ଷ୍ୟ ହେଉଛି ଗ୍ରୀଷ୍ମକାଳରେ ସ୍ଥାନୀୟ ଲୋକମାନଙ୍କୁ ନିରାପଦ ପାନୀୟ ଜଳ ଯୋଗାଇବା।

ନିକଟସ୍ଥ ଗ୍ରାମଗୁଡ଼ିକରେ ଗ୍ରୀଷ୍ମକାଳରେ ହେଉଥିବା ଗୁରୁତର ଜଳ ସଂକଟକୁ ଧ୍ୟାନରେ ରଖି ଏବଂ ସ୍ଥାନୀୟ ଲୋକଙ୍କ ଅନୁରୋଧରେ, ଆଦିତ୍ୟ ଆଲୁମିନିୟମ୍ ଏହି “ଜଳ ବାହିନୀ” କାର୍ଯ୍ୟକ୍ରମ ଆରମ୍ଭ କରିଛି। ଏହା ଅନ୍ତର୍ଗତ ୯୦ ଦିନ ପର୍ଯ୍ୟନ୍ତ ଟ୍ୟାଙ୍କର ମାଧ୍ୟମରେ ପାନୀୟ ଜଳ ଯୋଗାଣ କରାଯିବ। ଏହା ମାଧ୍ୟମରେ ୭ଟି ପଞ୍ଚାୟତର ୨୩ଟି ଗ୍ରାମ ଏବଂ ୧୨୬ଟି ହାମଲେଟ୍‌କୁ ଆବର୍ତ୍ତ କରି ଲୋକମାନଙ୍କ ଘରଦ୍ୱାରରେ ନିରାପଦ ପାଣି ପହଞ୍ଚାଯିବ।

ଉଦ୍ଘାଟନ ଅବସରରେ ଆଦିତ୍ୟ ଆଲୁମିନିଅମ୍‌ର ବରିଷ୍ଠ କର୍ମକର୍ତ୍ତାମାନେ ଉପସ୍ଥିତ ଥିଲେ, ଯେପରିକି ମୁଖ୍ୟ ପରିଚାଳକ ଶ୍ରୀଯୁକ୍ତ ଜଗନ୍ନାଥ ପ୍ରସାଦ ନାୟକ, ମାନବ ସମ୍ବଳ ମୁଖ୍ୟ ଶ୍ରୀଯୁକ୍ତ ଶ୍ରୀ ବିନୋଦ ନନ୍ଦ ଠାକୁର, ସିପିପି ମୁଖ୍ୟ ଶ୍ରୀଯୁକ୍ତ ଗୁଲଶନ ତିୱାରୀ, ସ୍ମେଲ୍ଟର ପ୍ଲାଣ୍ଟ ମୁଖ୍ୟ ଶ୍ରୀଯୁକ୍ତ ସନ୍ଦୀପ ସିଂହ, ଶ୍ରୀ ସୁରେଶ ଦାସ, ସିଭିଲ୍ ହେଡ୍ ଶ୍ରୀ ରଞ୍ଜିତ କୁମାର, ଶ୍ରୀ ମନୋଜ ଶର୍ମା, ଶ୍ରୀ ନିଲ ମାଧବ ପତି, ସିଏସଆର ମୁଖ୍ୟ ଶ୍ରୀ ରବି ନିୱାସ ଏବଂ ଶ୍ରୀ ମନୋରଞ୍ଜନ ବେହେରା ସହିତ ସିଭିଲ୍ ଏବଂ ସିଏସଆର ଟିମ୍‌ର ସଦସ୍ୟମାନେ ଓ ସ୍ଥାନୀୟ ନିବାସୀମାନେ ଉପ ସ୍ଥିତ ଥିଲେ।ଏହି ଅବସରରେ ଜଳ ଟ୍ୟାଙ୍କରକୁ ଫ୍ଲାଗ୍-ଅଫ୍ କରାଯାଇଥିଲା, ଯାହା ଏହି ପଦକ୍ଷେପର ଆରମ୍ଭକୁ ଚିହ୍ନିତ କରେ।

ଏହି କାର୍ଯ୍ୟକ୍ରମରେ ରେଙ୍ଗାଲି ବ୍ଲକ ଅଧ୍ୟକ୍ଷ ଶ୍ରୀ ସତ୍ୟନାରାୟଣ ଅଗ୍ରୱାଲ, ବୋମାଲୋଇ ସରପଞ୍ଚ ଶ୍ରୀମତୀ ସରସ୍ୱତୀ ପ୍ରଧାନ, ପୂର୍ବତନ ସରପଞ୍ଚ ଶ୍ରୀ ଶେଷଦେବ ପ୍ରଧାନ ଏବଂ ଅନ୍ୟାନ୍ୟ ପଞ୍ଚାୟତ ପ୍ରତିନିଧିମାନେ ମଧ୍ୟ ଉପସ୍ଥିତ ଥିଲେ।

ଏହି ଅବସରରେ ଆଉ ଗୋଟିଏ ଗୋଷ୍ଠୀ ଉନ୍ନୟନ ପଦକ୍ଷେପ ଭାବେ ଲପଙ୍ଗା ପଞ୍ଚାୟତରେ “ସୁଭଦ୍ରା ଶକ୍ତି କେନ୍ଦ୍ର” ନିର୍ମାଣ ପାଇଁ ଶିଳାନ୍ୟାସ କରାଯାଇଥିଲା। ଏହାକୁ ଲପଙ୍ଗା ସମିତି ସଦସ୍ୟ ଶ୍ରୀ କିରଣ ବେହେରା ମହିଳା ସ୍ୱୟଂ ସାହାୟକ ଗୋଷ୍ଠୀ ସଦସ୍ୟମାନଙ୍କ ଉପସ୍ଥିତିରେ କରିଥିଲେ। ଏହି କେନ୍ଦ୍ର ମହିଳା ସ୍ୱୟଂ ସହାୟକ ଗୋଷ୍ଠୀ ମାନଙ୍କ ପାଇଁ ପ୍ରଶିକ୍ଷଣ ଏବଂ ଜୀବିକା ଉନ୍ନୟନ କେନ୍ଦ୍ର ଭାବେ କାମ କରିବ, ଯାହା ଦକ୍ଷତା ବିକାଶ ଏବଂ ଆୟ ବୃଦ୍ଧିକୁ ସମର୍ଥନ କରିବ।

ଏହି ପଦକ୍ଷେପ ଆଦିତ୍ୟ ଆଲୁମିନିୟମର ପାଖପାଖି ଅଞ୍ଚଳର ଗୋଷ୍ଠୀ ମାନଙ୍କ ଜୀବନମାନ ଉନ୍ନତି ପ୍ରତି ତାଙ୍କର ଅବିରତ ପ୍ରତିବଦ୍ଧତାକୁ ପ୍ରକାଶ କରେ।

ଏଭଳି ମହତ୍ କାର୍ଯ କୁ ପ୍ରଶଂସା କରିବା ସହିତ ଆଦିତ୍ୟ ଆଲୁମିନିୟମ, ଲପଙ୍ଗା କୁ ସାଧୁ ବାଦ୍ ଜ୍ଞାପନ ଜଣାଇଥିଲେ ।