ଆଜିର ତାରିଖ ୧୧ ଏପ୍ରିଲ ୨୦୨୬
* ବିଶ୍ୱ ଛେନାପୋଡ଼ ଦିବସ:- ଛେନାପୋଡ଼ ଦିବସ ପ୍ରତିବର୍ଷ ଏପ୍ରିଲ ୧୧ ତାରିଖରେ ପାଳନ କରାଯାଏ। ଏହି ଦିବସ ଓଡ଼ିଶାର ପ୍ରସିଦ୍ଧ ମିଠା ଛେନାପୋଡ଼ର ସ୍ରଷ୍ଟା ସ୍ୱର୍ଗତ ସୁଦର୍ଶନ ସାହୁଙ୍କ ଜନ୍ମଦିନ ଉପଲକ୍ଷେ ପାଳନ କରାଯାଏ। ସେ ୧୯୩୧ ଏପ୍ରିଲ ୧୧ରେ ନୟାଗଡ଼ ଜିଲ୍ଲାର ଦଶପଲ୍ଲାରେ ଜନ୍ମଗ୍ରହଣ କରିଥିଲେ। ୧୯୪୭ରେ ବଳକା ଛେନା ଓ ଚିନିକୁ ରାତିରେ ଚୁଲ୍ଲା ଭିତରେ ଛାଡ଼ି ଦେବା ପରେ ଛେନାପୋଡ଼ର ଆରମ୍ଭ ହୋଇଥିଲା। ଛେନାପୋଡ଼କୁ ରାଜ୍ୟ ତଥା ଦେଶ ବିଦେଶରେ ଲୋକପ୍ରିୟ କରିବା ଏବଂ ଏହାକୁ ‘ଜିଆଇ ଟ୍ୟାଗ୍’ (GI Tag) ପ୍ରଦାନ ଦିଗରେ ଚେଷ୍ଟା କରିବା ଏହି ଦିବସର ଉଦ୍ଦେଶ୍ୟ।
* ଜାତୀୟ ସୁରକ୍ଷିତ ମାତୃତ୍ୱ ଦିବସ:- ଏପ୍ରିଲ ୧୧କୁ ଜାତୀୟ ସୁରକ୍ଷିତ ମାତୃତ୍ୱ ଦିବସ ଭାବରେ ପାଳନ କରାଯାଏ। ଏହା କସ୍ତୁରବା ଗାନ୍ଧୀଙ୍କ ଜନ୍ମଦିନ (୧୧ ଏପ୍ରିଲ୍ ୧୮୬୯) ଉପଲକ୍ଷେ ପାଳନ କରାଯାଏ। ଏହାର ମୁଖ୍ୟ ଉଦ୍ଦେଶ୍ୟ ହେଉଛି ସମସ୍ତ ମହିଳା ଯେପରି ଗର୍ଭଧାରଣ, ପ୍ରସବ ଏବଂ ପ୍ରସବକାଳୀନ ସେବା ସମୟରେ ସମସ୍ତ ପ୍ରକାର ଯତ୍ନ ଏବଂ ପର୍ଯ୍ୟାପ୍ତ ସୁବିଧା ଲାଭ କରିପାରିବେ। ନିରାପଦ ମାତୃତ୍ୱ ପାଇଁ ଭାରତରେ ‘ହ୍ୱାଇଟ୍ ରିବନ୍ ଆଲାଏନ୍ସ ଇଣ୍ଡିଆ’ (WRA India) ଗଠନ କରାଯାଇଥିଲା। (WRA India) ବା “White Ribbon Alliance” ଏକ ଔପଚାରିକ ମିଳିତ ମଞ୍ଚ ଯେଉଁଠାରେ ସୁରକ୍ଷିତ ମାତୃତ୍ୱକୁ ପ୍ରାଥମିକତା ଦେବା ପାଇଁ ସରକାର ତଥା ଆନ୍ତର୍ଜାତୀୟ ସଂଗଠନଗୁଡ଼ିକର ତୃଣମୂଳ ସ୍ତରର ପ୍ରୟାସକୁ ଏକତ୍ରିତ କରିବା ସହ ଏଥି ନିମନ୍ତେ ବିଶ୍ୱବ୍ୟାପୀ ଧ୍ୟାନ ସୃଷ୍ଟି କରିବା। ୨୦୨୬ରେ ଏହି ଦିବସର ଥିମ ହେଉଛି “Equity in Maternal Healthcare: Leaving No Mother Behind”। ଯାହାର ଅର୍ଥ ମାତୃ ସ୍ୱାସ୍ଥ୍ୟ ସେବାରେ ସମାନତା: କୌଣସି ମା’କୁ ପଛରେ ନ ଛାଡ଼ିବା।
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ଜ୍ୟୋତିରାଓ ଫୁଲେ (ଜନ୍ମ- ୧୮୨୭) ଜଣେ ମହାନ୍ ସମାଜ ସଂସ୍କାରକ, ଦାର୍ଶନିକ ଏବଂ ଶିକ୍ଷାବିତ୍ ଥିଲେ। ଜାତିଭେଦ ବିରୋଧରେ ଲଢ଼େଇ କରି ସତ୍ୟଶୋଧକ ସମାଜ ପ୍ରତିଷ୍ଠା କରିଥିଲେ। ମହିଳା ଶିକ୍ଷା ଏବଂ ଦଳିତ ଉନ୍ନତି ପାଇଁ ତାଙ୍କ ଅବଦାନ ଅତୁଳନୀୟ। ତାଙ୍କୁ “ମହାତ୍ମା ଫୁଲେ” ବୋଲି ମଧ୍ୟ କୁହାଯାଏ।
୨. କସ୍ତୁରବା ଗାନ୍ଧୀ (ଜନ୍ମ- ୧୮୬୯) ମହାତ୍ମା ଗାନ୍ଧୀଙ୍କ ପତ୍ନୀ ଏବଂ ସ୍ୱାଧୀନତା ସଂଗ୍ରାମରେ ସକ୍ରିୟ ଭୂମିକା ଗ୍ରହଣ କରିଥିଲେ। ସେ ମହିଳାଙ୍କ ଅଧିକାର ଏବଂ ସମାଜ ସେବାରେ ଅନେକ କାର୍ଯ୍ୟ କରିଥିଲେ। ସ୍ୱାଧୀନତା ଆନ୍ଦୋଳନରେ ଜେଲ୍ ମଧ୍ୟ ଯାଇଥିଲେ। ତାଙ୍କୁ “ବା” ନାମରେ ଲୋକେ ସ୍ନେହରେ ଡାକୁଥିଲେ।
୩. ରବୀନ୍ଦ୍ର କୌଶିକ୍ (ଜନ୍ମ- ୧୯୫୨) ଭାରତୀୟ ଗୁପ୍ତଚର (RAW ଏଜେଣ୍ଟ) ଥିଲେ ଯିଏ ପାକିସ୍ତାନରେ ଦୀର୍ଘ ସମୟ ଧରି ମିଶନ୍ କରିଥିଲେ। ତାଙ୍କୁ “ବ୍ଲ୍ୟାକ୍ ଟାଇଗର୍” ବୋଲି ଜଣାଯାଏ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ଫଣୀଶ୍ୱର ନାଥ ରେଣୁ (ମୃତ୍ୟୁ- ୧୯୭୭) ଆଧୁନିକ ହିନ୍ଦୀ ସାହିତ୍ୟର ଜଣେ ପ୍ରମୁଖ ଲେଖକ, ଉପନ୍ୟାସିକ ଏବଂ କଥାକାର ଥିଲେ। ଗ୍ରାମୀଣ ଜୀବନ, ସମାଜ ଏବଂ ରାଜନୀତି ବିଷୟରେ ଲେଖୁଥିଲେ।
୨. ଶ୍ରୀମଦ୍ ରାଜଚନ୍ଦ୍ର (ମୃତ୍ୟୁ- ୧୯୦୧) ଜଣେ ଜୈନ କବି, ଦାର୍ଶନିକ, ଆଧ୍ୟାତ୍ମିକ ଗୁରୁ ଏବଂ ସମାଜ ସଂସ୍କାରକ ଥିଲେ। ମହାତ୍ମା ଗାନ୍ଧୀଙ୍କ ଜୀବନରେ ଗୁରୁତ୍ୱପୂର୍ଣ୍ଣ ପ୍ରଭାବ ପକାଇଥିଲେ।
୩. ବିଷ୍ଣୁ ପ୍ରଭାକର (ମୃତ୍ୟୁ- ୨୦୦୯) ହିନ୍ଦୀ ସାହିତ୍ୟର ଜଣେ ପ୍ରସିଦ୍ଧ ଲେଖକ ଏବଂ ନାଟ୍ୟକାର ଥିଲେ। ସେ ଅନେକ ପୁରସ୍କାର ପାଇଥିଲେ ଏବଂ ହିନ୍ଦୀ ସାହିତ୍ୟରେ ଗୁରୁତ୍ୱପୂର୍ଣ୍ଣ ଅବଦାନ ରଖିଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୮୧୪: ଫରାସୀ ସମ୍ରାଟ ନେପୋଲିଅନ୍ ବୋନାପାର୍ଟ, ଫଣ୍ଟେନବ୍ଲାଉରେ ବିନା ସର୍ତ୍ତରେ ଅବସର ନେଇଥିଲେ।
୧୯୧୯: ଆନ୍ତର୍ଜାତୀୟ ଶ୍ରମ ସଂଗଠନ (ILO) ପ୍ରତିଷ୍ଠା ହେଲା।
୧୯୩୦: ରିଷିକେଶରେ ଥିବା ଗଙ୍ଗା ନଦୀ ଉପରେ ପ୍ରସିଦ୍ଧ ଲକ୍ଷ୍ମଣ ଜୁଲା ବ୍ରିଜ୍ ସର୍ବସାଧାରଣଙ୍କ ପାଇଁ ଖୋଲା ଯାଇଥିଲା।
୧୯୫୫: ଏୟାର ଏୟାର ଇଣ୍ଡିଆ ବିମାନ “କାଶ୍ମୀର ରାଜକୁମାରୀ” ଉପରେ ବୋମା ବିସ୍ଫୋରଣ ହୋଇଥିଲା।୧୯୭୦: ଆପୋଲୋ ୧୩ କେନେଡି ସ୍ପେସ୍ ସେଣ୍ଟରରୁ ଲଞ୍ଚ କରାଯାଇଥିଲା, ଯାହା ତୃତୀୟ ଚନ୍ଦ୍ର ଅବତରଣ ପାଇଁ ଉଦ୍ଦିଷ୍ଟ ଥିଲା, କିନ୍ତୁ ପରେ ଅମ୍ଳଜାନ ଟ୍ୟାଙ୍କ ବିସ୍ଫୋରଣ ହେତୁ ଏହାକୁ ପରିତ୍ୟାଗ କରାଯାଇଥିଲା।
୧୯୭୬: ଆପଲ୍ I କମ୍ପ୍ୟୁଟର ଆରମ୍ଭ ହୋଇଥିଲା।
୧୯୭୯: ତାନଜାନିଆ ସୈନ୍ୟମାନେ କାମ୍ପାଲାକୁ କାବୁ କରି ଉଗାଣ୍ଡାର ଏକଛତ୍ରବାଦୀ ଶାସକ ଇଡି ଆମିନଙ୍କୁ ପଳାଇବାକୁ ବାଧ୍ୟ କରିଥିଲେ।
୧୯୮୩: ରିଚାର୍ଡ ଆଟେନ୍ବୋରୋଙ୍କ ନିର୍ଦ୍ଦେଶିତ ଚଳଚ୍ଚିତ୍ର ଗାନ୍ଧୀ ଆଠଟି ଏକାଡେମୀ ପୁରସ୍କାର ଜିତିଥିଲେ।