ତେହେରାନ, ୦୩/୦୭: ବିଶ୍ୱର ସବୁଠୁ ବଡ଼ ଅନ୍ତିମ ସଂସ୍କାର ମଧ୍ୟରୁ ଗୋଟିଏ ଆୟାତୋଲ୍ଲା ଅଲ୍ଲୀ ଖାମେନେଇଙ୍କ। ଇରାନର ପୂର୍ବତନ ସର୍ବୋଚ୍ଚ ନେତା ଆୟାତୋଲ୍ଲା ଅଲୀ ଖାମେନେଇଙ୍କ ମୃତ୍ୟୁ ପରେ ଏକ ବିରାଟ ଅନ୍ତିମ ସତ୍କାର ଆୟୋଜନ ହୋଇଛି।
ଫେବୃଆରୀ ୨୮ ତାରିଖରେ ଯୁକ୍ତରାଷ୍ଟ୍ର ଏବଂ ଇସ୍ରାଏଲ୍ ଆକ୍ରମଣରେ ଖାମେନେଇ (୮୬ ବର୍ଷ) ମୃତ୍ୟୁବରଣ କରିଥିଲେ। ତାଙ୍କ ଶରୀର ତେହରାନ୍କୁ ଆଣି ଶୁକ୍ରବାରଠାରୁ ବିରାଟ ଅନ୍ତିମ ସଂସ୍କାର ପାଇଁ ଆୟୋଜିତ ହୋଇଛି। ଏହି କାର୍ଯ୍ୟକ୍ରମ ଇରାନର ଅନେକ ସହର ଏବଂ ଇରାକରେ ମଧ୍ୟ ଅନୁଷ୍ଠିତ ହେବ।
ଶନିବାରର ମୁଖ୍ୟ ଅନ୍ତିମ ସତ୍କାରରେ ଲକ୍ଷ ଲକ୍ଷ ଲୋକ ଆସିବେ ବୋଲି ସରକାର କହୁଛନ୍ତି। ବିଦେଶୀ ନେତାମାନେ ମଧ୍ୟ ଆସୁଛନ୍ତି। ପାକିସ୍ତାନର ପ୍ରଧାନମନ୍ତ୍ରୀ ଶେହବାଜ୍ ଶରିଫ୍ ଆସିବେ। ଭାରତ ତରଫରୁ ବିହାର ରାଜ୍ୟପାଳ ଏବଂ ଜଣେ କେନ୍ଦ୍ର ମନ୍ତ୍ରୀ ଯିବେ। ଚୀନ୍, ଆଫଗାନିସ୍ତାନ୍ ଆଦି ଦେଶ ମଧ୍ୟ ପ୍ରତିନିଧି ପଠାଇବେ।
ତେହରାନ୍ରେ ମୁଖ୍ୟ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଥିବା ବେଳେ କୋମ୍ ଏବଂ ମାଶ୍ହାଦ୍ରେ ଶୋଭାଯାତ୍ରା ଆୟୋଜିତ ହେବ। ଇରାକର ନଜଫ୍ ଏବଂ କର୍ବଲାରେ ମଧ୍ୟ କାର୍ଯ୍ୟକ୍ରମ ରହିଛି। ଜୁଲାଇ ୯ ତାରିଖରେ ଖାମେନେଇଙ୍କ ଜନ୍ମସ୍ଥାନ ମାଶ୍ହାଦ୍ରେ ସମାଧି ଦିଆଯିବ।
ସରକାର ୧.୫ ରୁ ୨ କୋଟି ଲୋକଙ୍କୁ ଆଣିବା ପାଇଁ ବସ୍, ଖାଦ୍ୟ ଏବଂ ଆବାସର ବ୍ୟବସ୍ଥା କରୁଛି। କିନ୍ତୁ ଏହା ପଛରେ ଲୋକଙ୍କ ମଧ୍ୟରେ ସରକାର ପ୍ରତି ଅସନ୍ତୋଷ ବଢ଼ୁଛି। ଦୀର୍ଘ ଦିନର ଆର୍ଥିକ ସଙ୍କଟ, ନିଷେଧାଦେଶ ଏବଂ ଦମନ ଯୋଗୁଁ ଅନେକ ଲୋକ ଆକ୍ରୋଶରେ ଅଛନ୍ତି। ଗତ ବର୍ଷ ପ୍ରତିବାଦ ହୋଇଥିଲା ଏବଂ ଅନେକଙ୍କୁ ଗୁଳି କରି ଦମନ କରାଯାଇଥିଲା। ଖାମେନେଇଙ୍କ ମୃତ୍ୟୁ ଖବର ଶୁଣି କେତେକ ଲୋକ ଖୁସି ହୋଇଥିଲେ ବୋଲି ମଧ୍ୟ ଖବର ଆସିଛି।
ଖାମେନେଇ କେବଳ ରାଜନେତା ନ ଥିଲେ। ଶିଆ ଧର୍ମରେ ତାଙ୍କର ବହୁତ ସମ୍ମାନ ଥିଲା। ଇରାକ୍, ଲେବାନନ୍, ପାକିସ୍ତାନ୍ ଆଦି ଦେଶର ଶିଆ ଲୋକଙ୍କ ମଧ୍ୟରେ ତାଙ୍କର ଅନୁସରଣକାରୀ ଥିଲେ। ସେ ଇରାନର ଶକ୍ତିଶାଳୀ ସେନା ଇସ୍ଲାମିକ୍ ରେଭୋଲ୍ୟୁଶନାରୀ ଗାର୍ଡ୍ସ୍କୁ ନିୟନ୍ତ୍ରଣ କରୁଥିଲେ ଏବଂ ହିଜବୋଲ୍ଲା ଭଳି ଗୋଷ୍ଠୀକୁ ସମର୍ଥନ ଦେଉଥିଲେ। ଯୁଦ୍ଧ ଯୋଗୁଁ ୪ ମାସ ପରେ ବି ଯୁଦ୍ଧ ଯୋଗୁଁ ତାଙ୍କ ଅନ୍ତିମ ସଂସ୍କାର କରାଯାଇନଥିଲା। ସରକାର କହୁଛନ୍ତି ଯେ ଧାର୍ମିକ ନିୟମ ଅନୁସାରେ ଶରୀରକୁ ଠଣ୍ଡା ରଖି ସଂରକ୍ଷଣ କରାଯାଇଥିଲା।
ଖାମେନେଇଙ୍କ ପୁତ୍ର ମୋଜତବା ନୂତନ ସର୍ବୋଚ୍ଚ ନେତା ହୋଇଛନ୍ତି। କିନ୍ତୁ ସେ ଗୁରୁତର ଆହତ ହୋଇଥିବାରୁ ଏପର୍ଯ୍ୟନ୍ତ ଦେଖାଯାଇ ନାହାନ୍ତି ଏବଂ ଅନ୍ତିମ ସତ୍କାରରେ ମଧ୍ୟ ଆସୁନାହାନ୍ତି।