ୱାୟନାଡରେ ବର୍ଷା ପରେ ଭୂସ୍ଖଳନ

ୱାୟନାଡ, ୦୭/୦୭: କେରଳର ୱାୟନାଡରେ ଏକ ନିର୍ମାଣାଧୀନ ସୁଡଙ୍ଗ ନିକଟରେ ଭୟଙ୍କର ଭୂସ୍ଖଳନ ଘଟିଛି। ଏଥିରେ ପ୍ରାୟ ୭ ଜଣ ଆହତ ହୋଇଛନ୍ତି। ଗତ କିଛି ଦିନ ଧରି ୱାୟାନାଡରେ ଲଗାତାର ବର୍ଷା ପରେ ଏହି ଭୂସ୍ଖଳନ ଘଟିଛି‌‌। ମୀନାକ୍ଷୀ ସେତୁ ନିକଟରେ ଏହି ଅଘଟଣ ଘଟିଛି, ଯେଉଁଠାରେ ଅନକ୍କାମ୍ପୋଇଲ-କଲ୍ଲାଡି-ମେପ୍ପାଡି ଯୁଗ୍ମ ସୁଡ଼ଙ୍ଗ ପ୍ରକଳ୍ପର କାମ ଚାଲିଛି। ଏହି ପ୍ରକଳ୍ପ ସମ୍ପୂର୍ଣ୍ଣ ହେବା ପରେ, ମାଲାପ୍ପୁରମ ଏବଂ ୱାୟାନାଡ ଜିଲ୍ଲାକୁ ସଂଯୋଗ କରିବ।

ଏହି ଅଞ୍ଚଳ ମୁଣ୍ଡକ୍କାଇ ନିକଟରେ ଅବସ୍ଥିତ, ଯାହା ୨୦୨୪ ମସିହାରେ ଭୂସ୍ଖଳନରେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଥିଲା।ପ୍ରଥମେ ସ୍ଥାନୀୟ ବାସିନ୍ଦାମାନେ ଲୋକମାନଙ୍କୁ ଉଦ୍ଧାର କରିଥିଲେ। ପରେ, ନିକଟସ୍ଥ କାଲପେଟ୍ଟାରୁ ଅଗ୍ନିଶମ ଏବଂ ଉଦ୍ଧାର କର୍ମଚାରୀମାନଙ୍କୁ ଘଟଣାସ୍ଥଳକୁ ପଠାଯାଇଥିଲା।