ପ୍ରଧାନମନ୍ତ୍ରୀ ମୋଦିଙ୍କୁ ଉଜବେକିସ୍ତାନର ସର୍ବୋଚ୍ଚ ସମ୍ମାନ

ନୂଆଦିଲ୍ଲୀ, ୩୦/୦୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଉଜବେକିସ୍ତାନର ସର୍ବୋଚ୍ଚ ସମ୍ମାନ ‘ଅର୍ଡର ଅଫ୍ ଓଲିୟ ଦରାଜାଲି ଦୁସ୍ତଲିକ୍’ (Order of Oliy Darajali Dustlik) ରେ ସମ୍ମାନିତ କରାଯାଇଛି। ତାଶକେଣ୍ଟରେ ଦୁଇଦିନିଆ ଗସ୍ତ ସମୟରେ ଉଜବେକିସ୍ତାନ ପକ୍ଷରୁ ଏହି ସମ୍ମାନ ପ୍ରଦାନ କରାଯାଇଛି।

ପ୍ରଧାନମନ୍ତ୍ରୀ ମୋଦି ଅଗଷ୍ଟ ୨୯ ଓ ୩୦ ଦୁଇ ଦିନିଆ ଉଜବେକିସ୍ତାନ ଗସ୍ତରେ ଅଛନ୍ତି। ଉଜବେକିସ୍ତାନ ରାଷ୍ଟ୍ରପତି ସାବକତ ମିର୍ଜିୟୋୟେଭଙ୍କ ନିମନ୍ତ୍ରଣରେ ପ୍ରଧାନମନ୍ତ୍ରୀଙ୍କ ଏ ଗସ୍ତ। ଏହା ମୋଦିଙ୍କ ଚତୁର୍ଥ ଉଜବେକିସ୍ତାନ ଗସ୍ତ।

ତାଶକେଣ୍ଟରେ ପହଞ୍ଚିବା ପରେ ରାଷ୍ଟ୍ରପତି ମିର୍ଜିୟୋୟେଭ ନିଜେ ପ୍ରଧାନମନ୍ତ୍ରୀ ମୋଦିଙ୍କୁ ସ୍ୱାଗତ କରିଥିଲେ। ଅଗଷ୍ଟ ୩୦ରେ କୁକସାରୋୟ ରେସିଡେନ୍ସରେ ମୋଦିଙ୍କୁ ଔପଚାରିକ ସ୍ୱାଗତ ଦିଆଯାଇଥିଲା। ଉଭୟ ଦେଶର ଜାତୀୟ ପତାକା ଉତ୍ତୋଳନ ସହ ଗାର୍ଡ ଅଫ୍ ଅନର୍ ମଧ୍ୟ ପ୍ରଦାନ କରାଯାଇଥିଲା। ଏହା ପରେ ଦୁଇ ନେତାଙ୍କ ମଧ୍ୟରେ ଉଚ୍ଚସ୍ତରୀୟ ଆଲୋଚନା ହୋଇଥିଲା।

ଆଲୋଚନାରେ ବାଣିଜ୍ୟ ଓ ନିବେଶ, ପ୍ରତିରକ୍ଷା, ଡିଜିଟାଲ ସଂଯୋଗ, ଶକ୍ତି, ଶିକ୍ଷା ଭଳି ପ୍ରମୁଖ କ୍ଷେତ୍ରରେ ସହଯୋଗକୁ ଆହୁରି ବଢ଼ାଇବା ଉପରେ ଗୁରୁତ୍ୱ ଦିଆଯାଇଛି।