ବଲିଉଡ୍ ଅଭିନେତା ସୁନୀଲ୍ ସେଟ୍ଟୀଙ୍କ ଲାଡଲୀ ଆଥିଆ ଶେଟ୍ଟୀ କ୍ରିକେଟର କେ ଏଲ୍ ରାହୁଲଙ୍କ ପ୍ରେମରେ। ଦୀର୍ଘ ଦିନ ଧରି ଦୁହେଁ ରିଲେସନସିପରେ ଅଛନ୍ତି। ଗତ କିଛି ଦିନ ହେବ ଉଭୟଙ୍କ ବିବାହକୁ ନେଇ ମଧ୍ୟ ହେଉଥିଲା ଚର୍ଚ୍ଚା। କୁହାଯାଉଥିଲା ରାହୁଲ ଏବଂ ଆଥିଆଙ୍କ ପ୍ୟାରେଣ୍ଟସ୍ ମଧ୍ୟ ଏହି ବିବାହ ବିଷୟରେ କଥାବାର୍ତ୍ତା ବି ହୋଇଛନ୍ତି।
ଆହୁରି ପଢ଼ନ୍ତୁ...
କିନ୍ତୁ ଏବେ ଶୁଣିବାକୁ ମିଳୁଛି ଯେ, ରାହୁଲ ଆସନ୍ତା ମାସ ତଥା ଜାନୁଆରୀ ପ୍ରଥମ ସପ୍ତାହରେ ଆଥିଆଙ୍କୁ ବିବାହ କରିବେ। ଏଥିପାଇଁ ସେ ବିସିସିଆଇରୁ ଛୁଟି ନେଇଛନ୍ତି ଏବଂ ତାଙ୍କ ଛୁଟି ମଧ୍ୟ ଅନୁମୋଦନ କରାଯାଇଛି। ବାଂଲାଦେଶ ଟେଷ୍ଟ ସିରିଜ ପରେ ସେ ନେଇ ପାରନ୍ତି ଛୁଟି।
କେ ଏଲ ରାହୁଲ ଶ୍ରୀଲଙ୍କା ବିପକ୍ଷରେ ଭାରତରେ ହେବାକୁ ଥିବା ତିନି ମ୍ୟାଚର ଟି -୨୦ ଏବଂ ୱାନ ଡେ ସିରିଜରେ ଖେଳି ପାରିବେ ନାହିଁ। ଇନସାଇଡ୍ ସ୍ପୋର୍ଟର ରିପୋର୍ଟ ଅନୁଯାୟୀ, ରାହୁଲ ଆଥିଆଙ୍କୁ ଜାନୁଆରୀ ୨୦୨୩ ର ପ୍ରଥମ ସପ୍ତାହରେ ବିବାହ କରିବେ।