ଅହମ୍ମଦାବାଦ: ଗୁଜୁରାଟ ବିଧାନସଭା ନିର୍ବାଚନରେ ୧୫୬ଟି ଆସନରେ ରେକର୍ଡ ବିଜୟ ପରେ ଆସନ୍ତାକାଲି(ସୋମବାର) ଭୁପେନ୍ଦ୍ର ପଟେଲ ମୁଖ୍ୟମନ୍ତ୍ରୀ ଭାବରେ ଶପଥ ନେବେ | ଏହି ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସମେତ ଅନେକ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ଉପସ୍ଥିତ ରହିବେ। ପ୍ରଧାନମନ୍ତ୍ରୀ ମୋଦୀ ତାଙ୍କର ଅନେକ ନିର୍ବାଚନ ସମାବେଶରେ କହିଥିଲେ ଯେ ଏଥର ବିଜେପିକୁ ଭୋଟ୍ ଦିଅନ୍ତୁ ଯେପରି ଭୁପେନ୍ଦ୍ର ନରେନ୍ଦ୍ରଙ୍କ ସମସ୍ତ ରେକର୍ଡ ଭାଙ୍ଗିବେ। ଗୁଜୁରାଟର ଲୋକମାନେ ମଧ୍ୟ ପ୍ରଧାନମନ୍ତ୍ରୀଙ୍କ ଏହି ଅନୁରୋଧକୁ ରକ୍ଷା କରି ବିଜେପିକୁ ଭୋଟ ଦେଇଥିଲେ | ଅନ୍ୟପଟେ ଗୁଜୁରାଟରେ ବିଜେପିର ରେକର୍ଡ ବିଜୟ ପରେ ଏବେ ରାଜ୍ୟରେ ଦଲବଦଳ ଖେଳ ଆରମ୍ଭ ହୋଇଛି।
