ଆପଣ ଶୁଣିଥିବେ ଯେ ଜଣେ ମହିଳା କର୍ମଚାରୀ ମା ହେଲେ ତାଙ୍କୁ କମ୍ପାନୀ ପକ୍ଷରୁ ମାତୃତ୍ଵ ଅବକାଶ ଦିଆଯାଏ | ଜଣେ ମହିଳା ମା ହେଲେ ତାଙ୍କୁ ୬ ମାସର ଅବକାଶ ମିଳିଥାଏ | କିନ୍ତୁ ବର୍ତ୍ତମାନ ଭାରତର ଏକ କମ୍ପାନୀ ପୁରୁଷ କର୍ମଚାରୀଙ୍କ ପାଇଁ ବଡ଼ ଏବଂ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି | ଏକ ପ୍ରସିଦ୍ଧ ଫାର୍ମା କମ୍ପାନୀ ବର୍ତ୍ତମାନ ପିତା ହେବାପରେ ପୁରୁଷ କର୍ମଚାରୀଙ୍କୁ ପୈତୃକ ଛୁଟି ଦେବାକୁ ନିଷ୍ପତ୍ତି ନେଇଛି | ରିପୋର୍ଟ ଅନୁଯାୟୀ, ଫାର୍ମା କମ୍ପାନୀ ଫାଇଜର ଇଣ୍ଡିଆ ନିଜ କମ୍ପାନୀରେ ପୈତୃକ ଛୁଟି ନୀତି କାର୍ଯ୍ୟକାରୀ କରିବାକୁ ଯାଉଛି। ଖବର ଅନୁଯାୟୀ, ଫାଇଜର ଇଣ୍ଡିଆ ଏହାର ପୁରୁଷ କର୍ମଚାରୀମାନଙ୍କୁ ପିତା ହେଲେ ୧୨ ସପ୍ତାହ ପିତୃତ୍ୱ ଛୁଟି ଦେବ। କମ୍ପାନୀ ଏହାର ନୀତିରେ କହିଛି ଯେ ପିତା ହେବା ପରେ କର୍ମଚାରୀମାନେ ଏହି ଛୁଟିକୁ ୨ ବର୍ଷ ମଧ୍ୟରେ ବ୍ୟବହାର କରିପାରିବେ। ଯଦି କୌଣସି କର୍ମଚାରୀ ପୈତୃକ ଛୁଟି ନେବାକୁ ଚାହିଁବେ, ତା’ହେଲେ ତାଙ୍କୁ ଅତି କମରେ ଦୁଇ ସପ୍ତାହରୁ ସର୍ବାଧିକ ୬ ସପ୍ତାହ ଛୁଟି ଦିଆଯିବ।
