ନବୀନଙ୍କ ଶଙ୍ଖ ଧ୍ବନିରେ ସବୁ ନିଷ୍ପଭ୍ର

ଝାରସୁଗୁଡ଼ା ବିଧାନସଭା ଆସନରେ ଶାସକ ବିଜୁ ଜନତା ଦଳର ପ୍ରାର୍ଥୀ ଦିପାଲି ଦାସ ଭାରତୀୟ ଜନତା ପାର୍ଟି ପ୍ରାର୍ଥୀ ଟଙ୍କଧର ତ୍ରିପାଠୀଙ୍କୁ ୪୮,୬୧୯ ଖଣ୍ଡ ଭୋଟବ୍ୟବଧାନରେ ପରାସ୍ତ କରିଛନ୍ତି। ଝାରସୁଗୁଡ଼ା ଉପନିର୍ବାଚନ ଫଳାଫଳ ଶନିବାର ପ୍ରକାଶ ପାଇଛି। ଝାରସୁଗୁଡ଼ା ଇଞ୍ଜିନିୟରିଂ ସ୍କୁଲରେ ୩ ସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ତେବେ ଝାରସୁଗୁଡ଼ା ଉପନିର୍ବାଚନ ଫଳାଫଳ ପ୍ରକାଶ ପାଇବା ପରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଟେଲିଫୋନ ମାଧ୍ୟମରେ ଦୀପାଳୀଙ୍କୁ ଶୁଭେଚ୍ଛା ଜଣାଇଛନ୍ତି ଏବଂ ଦୀପାଳୀ ମଧ୍ୟ ମୁଖ୍ୟମନ୍ତ୍ରୀଙ୍କ ନିକଟରେ କୃତଜ୍ଞତା ଜ୍ଞାପନ କରିଛନ୍ତି। ଏ ନେଇ ଦୀପାଳୀ ଗଣମାଧ୍ୟମ ଆଗରେ ନିଜ ଖୁସି ଜାହିର କରି କହିଛନ୍ତି ଯେ, “ଏହା ଝାରସୁଗୁଡ଼ାବାସୀଙ୍କ, ମୋ ବାପାଙ୍କୁ ଭଲ ପାଉଥିବା ବ୍ୟକ୍ତି, ମୁଖ୍ୟମନ୍ତ୍ରୀ, ଜନତା ଏବଂ ବିଜେଡି ଓ ମୋ ବାପାଙ୍କ ସହ ଜଡ଼ିତ ଥିବା ସମସ୍ତଙ୍କ ବିଜୟ।”