ପାକିସ୍ତାନୀ ଏଜେଣ୍ଟଙ୍କ ସହ ଓଟିପି ସେୟାର: ମାଷ୍ଟରମାଇଣ୍ଡର ୨ ସହଯୋଗୀଙ୍କୁ ଗିରଫ କଲା ଏସଟିଏଫ

ଭୁବନେଶ୍ବର : ପାକିସ୍ତାନରେ ବିପୁଳ ସଂଖ୍ୟକ ସିମ୍ କାର୍ଡ କିଣି ଓଟିପି ବିକ୍ରି କରିବାରେ ସମ୍ପୃକ୍ତ ଥିବା ଏକ ବଡ଼ ରାକେଟର ମାଷ୍ଟରମାଇଣ୍ଡ ପଠାଣିସାମନ୍ତ ଲେଙ୍କାଙ୍କ ଦୁଇ ସହଯୋଗୀଙ୍କୁ ରବିବାର ସ୍ପେଶାଲ ଟାସ୍କ ଫୋର୍ସ (ଏସଟିଏଫ୍) ଗିରଫ କରିଛି। ଲେଙ୍କାଙ୍କ ଦୁଇ ସହଯୋଗୀଙ୍କୁ ଯାଜପୁର ଜିଲ୍ଲାରୁ ଗିରଫ କରାଯାଇଛି।

ସୂଚନାନୁଯାୟୀ, ଏହି ଘଟଣାରେ ନିକଟରେ ଶିଳ୍ପ ପ୍ରଶିକ୍ଷଣ ପ୍ରତିଷ୍ଠାନ (ଆଇଟିଆଇ)ର ଶିକ୍ଷକ ପଠାଣିସାମନ୍ତ ଲେଙ୍କାଙ୍କ ସମେତ ଅନ୍ୟ ଦୁଇ ଜଣଙ୍କୁ ଗିରଫ କରାଯାଇଥିଲା। ସୋମବାରଠାରୁ ଲେଙ୍କାଙ୍କୁ ୫ ଦିନିଆ ରିମାଣ୍ଡରେ ଅଣାଯିବ ବୋଲି ଏସଟିଏଫ୍ ଅଧିକାରୀ କହିଛନ୍ତି। ଏସଟିଏଫ ସମସ୍ତ ତଥ୍ୟ ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ଏବଂ ଗୁଇନ୍ଦା ବ୍ୟୁରୋ (ଆଇବି)କୁ ପ୍ରଦାନ କରିସାରିଛି।