ଜନ ସମ୍ପର୍କ ଅଭିଯାନ:ଜୁନ ୧୭ରେ ଓଡିଶା ଆସିବେ ଅମିତ ଶାହା

ଭୁବନେଶ୍ୱର: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଜନ ସମ୍ପର୍କ ଅଭିଯାନରେ ସାମିଲ ହୋଇ ଓଡିଶାର ଢେଙ୍କାନାଳ ଜିଲ୍ଲା ଗସ୍ତ କରିବେ । ଆସନ୍ତା ୧୭ ତାରିଖରେ ଅମିତ ଶାହା ଓଡିଶା ଆସିବେ ବୋଲି ବିଜେପି ରାଜ୍ୟ ସାଧାରଣ ସମ୍ପାଦକ ନିଶ୍ଚିତ କରିଛନ୍ତି ।
ମିଳିଥିବା ସୂଚନା ଅନୁଯାୟୀ, ୨୦୨୪ ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟିର ଅନେକ ପ୍ରମୁଖ ନେତା ସେମାନଙ୍କ ମାସବ୍ୟାପୀ ଜନସମ୍ପର୍କ ଅଭିଯାନ ଅଧିନରେ ଓଡିଶାରେ ବ୍ୟାପକ କାର୍ଯ୍ୟକ୍ରମ କରିବାକୁ ଯାଉଛନ୍ତି । କେନ୍ଦ୍ରରେ ବିଜେପି ସରକାରର ୯ ବର୍ଷ ପୂର୍ତି ଅବସରରେ ସମଗ୍ର ଦେଶରେ ଏହି ଜନସମ୍ପର୍କ ଅଭିଯାନ କାର୍ଯ୍ୟକ୍ରମ ଚାଲିଛି ।