ନୂଆଦିଲ୍ଲୀ: ଡିଜିଟାଲ୍ ପେମେଣ୍ଟ କମ୍ପାନୀ ପେଟିଏମ୍ ବ୍ୟବହାରକାରୀଙ୍କୁ ଏକ ଝଟକା ଦେଇଛି। ଯଦି ଆପଣ ପେଟିଏମ୍ ମାଧ୍ୟମରେ କୌଣସି ମୋବାଇଲ୍ ରିଚାର୍ଜ କରୁଛନ୍ତି, ତା’ହେଲେ ଆପଣଙ୍କୁ ସର୍ଚାର୍ଜ ଦେବାକୁ ପଡ଼ିବ। ଅର୍ଥାତ୍ Paytm ଏବେ ମୋବାଇଲ୍ ରିଚାର୍ଜ ଉପରେ ସର୍ଚାର୍ଜ ନେବା ଆରମ୍ଭ କରିଛି। ଏହି ସର୍ଚାର୍ଜ ସମସ୍ତ ପ୍ରକାରର ପେମେଣ୍ଟ୍ ଯଥା- ପେଟିଏମ୍ ୱାଲେଟ୍ ବାଲାନ୍ସ/ UPI/ କ୍ରେଡିଟ୍ କିମ୍ବା ଡେବିଟ୍ କାର୍ଡ ମୋଡ୍ରେ ନିଆଯାଇଥାଏ। ୧ ଟଙ୍କାରୁ ୬ ଟଙ୍କା ମଧ୍ୟରେ ଏହି ସର୍ଚାର୍ଜ ଦେବାକୁ ପଡ଼ିପାରେ।
ସୂଚନା ଅନୁସାରେ ପେଟିଏମ ଭଳି ଫୋନ ପେ ଗତବର୍ଷ ଅକ୍ଟୋବରରେ ସରଚାର୍ଜ ନେବା ଆରମ୍ଭ କରିଥିଲା । କମ୍ପାନୀ ୫୦ ଟଙ୍କାରୁ ଅଧିକ ମୋବାଇଲ ରିଚାର୍ଜ ଉପରେ ଗ୍ରାହକଙ୍କ ପାଇଁ ପ୍ରୋସେସିଙ୍ଗ୍ ଫିସ୍ ନେଉଛି । ସେହିପରି ଏବେ Paytm ଯେଉଁ ୟୁଜରଙ୍କ ଠାରୁ ସର୍ଚାର୍ଜ ନେଉଛି, ରିଚାର୍ଜ ସମୟରେ ସମ୍ପୃକ୍ତ ଗ୍ରାହକଙ୍କ ପାଖକୁ ସର୍ଚାର୍ଜ ନେଇ ନୋଟିଫିକେସନ ପଠାଯାଉଛି। ୧୦୦ ଟଙ୍କାରୁ ଅଧିକ ସମସ୍ତ ଟ୍ରାଞ୍ଜାକ୍ସନ ଉପରେ ଏହି ସର୍ଚାର୍ଜ ଲାଗୁ ହୋଇଛି।
ତୀ ଏହାର ରାଜସ୍ୱ ବୃଦ୍ଧି ପାଇଁ ପେଟିଏମ୍ ଉପଭୋକ୍ତାମାନଙ୍କ ଠାରୁ ସରଚାର୍ଜ ଚାର୍ଜ ଆଦାୟ କରୁଛି । ୨୦୧୯ ରେ ପେଟିଏମ୍ ଟ୍ୱିଟରରେ ଏକ ପୋଷ୍ଟ କରିଥିଲା ଯେ ଏହା UPI ଏବଂ ୱାଲେଟ୍ ସମେତ ଗ୍ରାହକଙ୍କ ଠାରୁ କୌଣସି ପ୍ରକାରର ଦେୟ ଉପରେ କିଛି ସୁବିଧା କିମ୍ବା କାରବାର ଶୁଳ୍କ ଆଦାୟ କରିବ ନାହିଁ । ପେଟିଏମ୍ ଗ୍ରାହକଙ୍କଠୁ ସର୍ଚର୍ଜ ନେବା ଆରମ୍ଭ କରିଛି। ତଥାପି, ଉଭୟ ଫୋନପେ ଏବଂ ପେଟିଏମରୁ ଏହା ନିଶ୍ଚିତ ହୋଇପାରିଲା ନାହିଁ ଯେ କେଉଁ କାରଣରୁ ସେମାନେ ସରଚାର୍ଜ ଚାର୍ଜ କରୁଛନ୍ତି ।