ରୋଜଗାର ମେଳା: ୭୦ ହଜାରରୁ ଅଧିକ ନିଯୁକ୍ତି ପତ୍ର ବାଣ୍ଟିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଭର୍ଚୁଆଲ ଭାବରେ ନବନିଯୁକ୍ତ କର୍ମଚାରୀଙ୍କୁ ୭୦ ହଜାରରୁ ଅଧିକ ନିଯୁକ୍ତି ପତ୍ର ପ୍ରଦାନ କରିଛନ୍ତି। କେନ୍ଦ୍ର ସରକାର, ରାଜ୍ୟ ସରକାର ଓ କେନ୍ଦ୍ର ଶାସିତ ଅଞ୍ଚଳର ମିଳିତ ସହଯୋଗରେ ଏହି ନିଯୁକ୍ତି ଦିଆଯାଉଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ଆଜାଦି କା ଅମୃତ ମହୋତ୍ସବ ସମୟରେ ଦେଶ ବିକାଶ ପଥରେ ଆଗଉ ଥିବା ବେଳେ ସରକାରୀ କର୍ମଚାରୀ ଭାବେ କାମ କରିବାର ସୁଯୋଗ ମିଳିବା ବଡ଼ ଗୌରବର ବିଷୟ। ରୋଜଗାର ମେଳା ଦ୍ୱାରା ନିଯୁକ୍ତି ସୃଷ୍ଟିକୁ ସର୍ବୋଚ୍ଚ ପ୍ରାଥମିକତା ଦିଆଯାଉଛି।

ଉଲ୍ଲେଖଯୋଗ୍ୟ, ରୋଜଗାର ମେଳା ସାରା ଦେଶରେ ୪୪ଟି ସ୍ଥାନରେ ଅନୁଷ୍ଠିତ ହୋଇଥିଲା। ନିଯୁକ୍ତି ପ୍ରଦାନ କେନ୍ଦ୍ର ସରକାରଙ୍କ ଅଧିନରେ ଥିବା ବିଭାଗ ପାଇଁ ଅଟେ। ଏଥିରେ ରାଜସ୍ୱ, ଆର୍ଥିକ ସେବା, ପଦବୀ, ବିଦ୍ୟାଳୟ ଶିକ୍ଷା, ଉଚ୍ଚଶିକ୍ଷା, ପ୍ରତିରକ୍ଷା, ସ୍ୱାସ୍ଥ୍ୟ ଓ ପରିବାର କଲ୍ୟାଣ, କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ, ଜଳସମ୍ପଦ, କାର୍ମିକ ଓ ପ୍ରଶିକ୍ଷଣ, ଗୃହ ବ୍ୟାପାର ଭଳି ଅନେକ ମନ୍ତ୍ରଣାଳୟ ଓ ବିଭାଗରେ ନୂତନ ନିଯୁକ୍ତି ପାଇବେ।