୩୩ତମ ଉଚ୍ଚସ୍ତରୀୟ ମଞ୍ଜୁରୀ ବୈଠକ: ୧୨ଟି ଶିଳ୍ପ ପ୍ରକଳ୍ପକୁ ଅନୁମୋଦନ

ଭୁବନେଶ୍ବର,୨୪/୧୧/୨୩: ଶିଳ୍ପ ବିକାଶ କ୍ଷେତ୍ରରେ ୩୩ତମ ଉଚ୍ଚସ୍ତରୀୟ ମଞ୍ଜୁରୀ ପ୍ରାଧିକରଣ (ଏଚଏଲସିଏ) ବୈଠକରେ ଓଡ଼ିଶା ଆଉ ଏକ ପାଦ ଆଗେଇ ଗୁରୁତ୍ବପୂର୍ଣ୍ଣ ମାଇଲଖୁଣ୍ଟ ହାସଲ କରିଛି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୂରଦର୍ଶୀ ନେତୃତ୍ୱରେ ଓଡ଼ିଶା ସରକାର ମୋଟ ୮୪,୯୧୮.୭୫ କୋଟି ଟଙ୍କା ବିନିଯୋଗରେ ୧୨ଟି ପ୍ରମୁଖ ଶିଳ୍ପ ପ୍ରକଳ୍ପକୁ ଅନୁମୋଦନ କରିଛନ୍ତି। ଏହି ପ୍ରକଳ୍ପଗୁଡ଼ିକ ବିଭିନ୍ନ କ୍ଷେତ୍ରରେ ୪୨,୨୮୧ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବାକୁ ଯାଉଛି।

ଏହି ବୃହତ ପୁଞ୍ଜିନିବେଶ ପୋଷାକ ଓ ବୟନଶିଳ୍ପ, ସବୁଜ ହାଇଡ୍ରୋଜେନ ଏବଂ ସବୁଜ ଆମୋନିଆ, ଇସ୍ପାତ, ଶକ୍ତି ଏବଂ ଅକ୍ଷୟ ଶକ୍ତି, ରାସାୟନିକ ଏବଂ ପେଟ୍ରୋ କେମିକାଲ ଡାଉନଷ୍ଟ୍ରିମ୍ କ୍ଷେତ୍ରରେ ଓଡ଼ିଶାର ଉତ୍ପାଦନ କ୍ଷମତାକୁ ଆହୁରି ସହାୟକ ହେବ।

କଟକ, ଢେଙ୍କାନାଳ, ଗଞ୍ଜାମ, ଯାଜପୁର, ଝାରସୁଗୁଡ଼ା, କେନ୍ଦ୍ରାପଡ଼ା, ମାଲକାନଗିରି, ରାୟଗଡ଼ା, ସମ୍ବଲପୁର ଓ ସୁନ୍ଦରଗଡ଼ ଜିଲ୍ଲା ସମେତ ସମଗ୍ର ରାଜ୍ୟରେ ଏହି ପ୍ରକଳ୍ପଗୁଡ଼ିକ ରଣନୈତିକ ଭାବେ ପ୍ରତିଷ୍ଠା ହେବ।

ୱେଲସପୁନ୍ ଗ୍ରୁପ୍ ଓଡ଼ିଶାରେ ବ୍ୟାପକ ଭାବେ ପ୍ରବେଶ କରିଛି। ପୋଷାକ ଏବଂ ବୟନ ଶିଳ୍ପ କ୍ଷେତ୍ରରେ ୱେଲସପନ୍ ଲିଭିଂ ଲିମିଟେଡ୍ ୩,୦୫୦ କୋଟି ଟଙ୍କା ବିନିଯୋଗ ଏବଂ ୨୦,୨୧୦ ଲୋକଙ୍କ ନିଯୁକ୍ତି ସମ୍ଭାବନା ସହିତ କଟକର ଚୌଦ୍ୱାରଠାରେ ଏକ ସମନ୍ୱିତ ଟେକ୍ସଟାଇଲ୍ ଏବଂ ଲଜିଷ୍ଟିକ୍ ସୁବିଧା ପ୍ରତିଷ୍ଠା କରିବାର ପ୍ରକଳ୍ପ ପାଇଁ ଏଚଏଲସିଏ ଠାରୁ ଅନୁମୋଦନ ମିଳିଛି।

ଏହାବ୍ୟତୀତ ୱେଲସପନ୍ କର୍ପୋରେସନ୍ ଲିମିଟେଡ୍ ଇସ୍ପାତ ଡାଉନଷ୍ଟ୍ରିମ୍ କ୍ଷେତ୍ରରେ ୩,୧୩୭ କୋଟି ଟଙ୍କା ବିନିଯୋଗ କରିବାକୁ ଯାଉଛି, ଯେଉଁଥିରେ ୧,୦୦,୦୦୦ ମେଟ୍ରିକ୍ ଟନ୍ ଇଆରଡବ୍ଲ୍ୟୁ ପାଇପ୍, ୩,୦୦,୦୦୦ ମେଟ୍ରିକ୍ ଟନ୍ ଡିଆଇ ପାଇପ୍, ୧,୦୦,୦୦୦ ମେଟ୍ରିକ୍ ଟନ୍ ଏଚ୍ଏସ୍ଏଡବ୍ଲ୍ୟୁ ପାଇପ୍ ଏବଂ ୧୦,୦୦,୦୦୦ ବର୍ଗ ମିଟର ପାଇପ୍ କୋଟିଂ ପ୍ଲାଣ୍ଟ ସ୍ଥାପନ କରାଯିବ।

ସମ୍ବଲପୁରରେ ମଧ୍ୟ ସିପିଭିସି, ୟୁପିଭିସି, ପିଭିସି ଫିଟିଂ ଏବଂ ପ୍ଲାଷ୍ଟିକ୍ ଟାଙ୍କି ପାଇଁ ଏକ ଉତ୍ପାଦନ ୟୁନିଟ୍ ସ୍ଥାପନ କରିବା ପାଇଁ ୱେଲସ୍ପନ୍ ର ସମ୍ପୂର୍ଣ୍ଣ ମାଲିକାନାରେ ଥିବା ସଂସ୍ଥା ସିନଟେକ୍ସ ବିଏପିଏଲ୍ ର ପ୍ରକଳ୍ପକୁ ସରକାର ନିକଟରେ ଅନୁମୋଦନ କରିଛନ୍ତି। ସବୁଜ ହାଇଡ୍ରୋଜେନ ଓ ସବୁଜ ଆମୋନିଆ କ୍ଷେତ୍ରକୁ ପ୍ରୋତ୍ସାହିତ କରିବା ପାଇଁ ସରକାରଙ୍କ ଗୁରୁତ୍ୱ, ୱେଲସପନ୍ ନ୍ୟୁ ଏନର୍ଜି ଲିମିଟେଡ ୧୩,୮୬୦ କୋଟି ଟଙ୍କା ବିନିଯୋଗରେ କେନ୍ଦ୍ରାପଡ଼ାରେ ୦.୭୦ ଏମଏମଟିପିଏ ଗ୍ରୀନ୍ ଆମୋନିଆ ଉତ୍ପାଦନ ୟୁନିଟ୍ ସ୍ଥାପନ କରିବା ସହ ୧୦୦୦ ଲୋକଙ୍କୁ ନିଯୁକ୍ତି ଦେବାକୁ ପ୍ରତିଶ୍ରୁତି ଦେଇଛି।

ଗଞ୍ଜାମ ଗୋପାଳପୁରଠାରେ ୧୩,୦୦୦ କୋଟି ଟଙ୍କା ବିନିଯୋଗରେ ୦.୭୨ ଏମଏମଟିପିଏ ଗ୍ରୀନ୍ ଆମୋନିଆ ମାନୁଫାକ୍ଚରିଂ ୟୁନିଟ୍ ସ୍ଥାପନ କରି ୧,୨୫୦ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବା ପାଇଁ ସେମ୍ବକର୍ପ ଗ୍ରୀନ୍ ହାଇଡ୍ରୋଜେନ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ର ପୁଞ୍ଜିନିବେଶ ରହିଛି।

ସେହିପରି ମାଲକାନଗିରିରେ ଗ୍ରୀନ୍ ହାଇଡ୍ରୋଜେନ୍ (୧୦୦ କେଟିପିଏ) ଓ ଗ୍ରୀନ୍ ମିଥାନୋଲ୍ (୫୦୦ କେଟିପିଏ) ଉତ୍ପାଦନ ୟୁନିଟ୍ ପ୍ରତିଷ୍ଠା ପାଇଁ ୧୦,୦୦୫ କୋଟି ଟଙ୍କା ବିନିଯୋଗ କରିବା ସହ ରାୟଗଡ଼ାରେ ଗ୍ରୀନ୍ ହାଇଡ୍ରୋଜେନ୍ (୬୦ କେଟିପିଏ) ଓ ଗ୍ରୀନ୍ ମିଥାନୋଲ (୩୦୦ କେଟିପିଏ) ଉତ୍ପାଦନ ୟୁନିଟ୍ ପ୍ରତିଷ୍ଠା ପାଇଁ ୯,୦୦୦ କୋଟି ଟଙ୍କା ଅନୁମୋଦନ ପାଇଛି।

ଇସ୍ପାତ କ୍ଷେତ୍ରରେ ଢେଙ୍କାନାଳରେ ୬.୫୦ ଏମଟିପିଏ ଉତ୍ପାଦନ କ୍ଷମତା ବିଶିଷ୍ଟ ଏଚଆର ଏବଂ ସିଆର କୋଏଲ କାରଖାନା ସ୍ଥାପନ ପାଇଁ ଟାଟା ଷ୍ଟିଲର ପ୍ରକଳ୍ପକୁ ଏଚଏଲସିଏର ଅନୁମୋଦନ ମିଳିଛି । ୧୦,୩୫୧.୧୧ କୋଟି ଟଙ୍କା ମୂଲ୍ୟର ଏହି ମେଗା ପ୍ରକଳ୍ପ ୩,୭୨୫ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ଆଶା କରାଯାଉଛି। ସେହିପରି ଝାରସୁଗୁଡ଼ାରେ ୨ଟି ଏମ୍ଟିପିଏ ସମନ୍ବିତ ଇସ୍ପାତ କାରଖାନା, ୨୪୦ ମେଗାୱାଟ୍ କ୍ୟାପ୍ଟିଭ୍ ପାୱାର ପ୍ଲାଣ୍ଟ ୍ ଓ ୧ ଏମ୍ଟିପିଏ ସିମେଣ୍ଟ ଗ୍ରାଇଣ୍ଡିଂ ୟୁନିଟ୍ ପ୍ରତିଷ୍ଠା ପାଇଁ ଓଡ଼ିଶା ମେଟାଲର୍ଜିକାଲ୍ ଇଣ୍ଡଷ୍ଟ୍ରି ପ୍ରାଇଭେଟ୍ ଲିମିଟେଡ୍ ୫୨୦୦ କୋଟି ଟଙ୍କା ବିନିଯୋଗ ପାଇଁ ଅନୁମୋଦନ ପାଇଛି।

ଇସ୍ପାତ (ଡାଉନଷ୍ଟ୍ରିମ) କ୍ଷେତ୍ରରେ ବିଏମଡବ୍ଲ୍ୟୁ ଇଣ୍ଡଷ୍ଟ୍ରିଜ୍ ଏହାର ଉତ୍ପାଦନ କାରଖାନା ପ୍ରତିଷ୍ଠା ପାଇଁ ୧୦୯୪.୮୨ କୋଟି ଟଙ୍କା ବିନିଯୋଗ ପାଇଁ ଏଚଏଲସିଏ ଅନୁମୋଦନ ହାସଲ କରିଛି, ଯେଉଁଥିରେ ଇଆରଡବ୍ଲୁ ପାଇପ୍ – ୧୦୦ ମେଟ୍ରିକ ଟନ୍, ଏଚଆର ପିକଲ୍ଡ ଅଏଲେଡ୍ କୋଏଲ – ୫୦୦୦ ମେଟ୍ରିକ ଟନ୍, ଟିଏମଟି ବାର୍ – ୫୦୦୦୦ ମେଟ୍ରିକ ଟନ୍ ଏବଂ ୫୦ ମେଟ୍ରିକ୍ ଟନ୍ ଉତ୍ପାଦନ ହୋଇଛି।

ଶକ୍ତି ଓ ଅକ୍ଷୟ ଶକ୍ତି କ୍ଷେତ୍ରରେ ଏନଟିପିସି ଲିମିଟେଡ ସୁନ୍ଦରଗଡ଼ରେ ୯,୨୦୮.୩୬ କୋଟି ଟଙ୍କା ବିନିଯୋଗରେ ୮୦୦ ମେଗାୱାଟ ବିଶିଷ୍ଟ ସୁପର ଥର୍ମାଲ ପାୱାର ପ୍ଲାଣ୍ଟ ସ୍ଥାପନ ପାଇଁ ଅନୁମୋଦନ ହାସଲ କରିଛି, ଯାହା ୧୩୬୬ ଜଣଙ୍କୁ ନିଯୁକ୍ତି ପ୍ରଦାନ କରିବ ବୋଲି ଆକଳନ କରାଯାଇଛି। ଏହି କ୍ଷେତ୍ରରେ ଏଚ୍ ଏଲ୍ ସିଏ ୧x୮୦୦ ମେଗାୱାଟ୍ ଅଲଟ୍ରା ସୁପର କ୍ରିଟିକାଲ୍ କୋଲ୍ ଚାଳିତ ତାପଜ ଶକ୍ତି ପ୍ରକଳ୍ପ ପ୍ରତିଷ୍ଠା ପାଇଁ ଇଣ୍ଡ ବର୍ଥ ଏନର୍ଜି ଉତ୍କଳ ଲିମିଟେଡ୍ ଠାରୁ ୬୦୧୨.୪୬ କୋଟି ଟଙ୍କାର ପୁଞ୍ଜିନିବେଶକୁ ଅନୁମୋଦନ କରିଛି। ଝାରସୁଗୁଡ଼ାରେ ୪୫୦ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ।

ଗୋପାଳପୁର ଗଞ୍ଜାମରେ ୮୦,୦ ଟିପିଏ କ୍ଷମତା ବିଶିଷ୍ଟ ଉତ୍ପାଦନ ୟୁନିଟର ଗ୍ରୀନଫିଲ୍ଡ ଟ୍ୟାଙ୍କ ଷ୍ଟୋରେଜ୍ ସୁବିଧା ପ୍ରତିଷ୍ଠା ପାଇଁ ଏଜିସ୍ ଭୋପାକ୍ ର ପ୍ରକଳ୍ପକୁ ଅନୁମୋଦନ ମିଳିବା ପରେ କେମିକାଲ୍ ଆଣ୍ଡ ପେଟ୍ରୋ କେମିକାଲ୍ ଡାଉନଷ୍ଟ୍ରିମ୍ ସେକ୍ଟରରେ ଉଲ୍ଲେଖନୀୟ ଉନ୍ନତି ଘଟିଛି।

ରାଜ୍ୟରେ ପୁଞ୍ଜିନିବେଶ କରିବା ପାଇଁ ସରକାର ସର୍ବଦା ଶିଳ୍ପପତିମାନଙ୍କୁ ଉତ୍ସାହିତ ଓ ସ୍ୱାଗତ କରିଛନ୍ତି। ଏହି ସବୁ ପ୍ରକଳ୍ପ ତ୍ୱରାନ୍ୱିତ ହେଉଥିବାରୁ ଓଡ଼ିଶାର ଅର୍ଥନୈତିକ ଚିତ୍ର ଅତୁଳନୀୟ ଅଭିବୃଦ୍ଧି ପାଇଁ ପ୍ରସ୍ତୁତ ହୋଇଛି, ଯାହା ପୂର୍ବ ଭାରତରେ ପୁଞ୍ଜିନିବେଶ ଏବଂ ଶିଳ୍ପ ସମ୍ପ୍ରସାରଣ ପାଇଁ ଏକ ପସନ୍ଦର ସ୍ଥାନରେ ପରିଣତ ହୋଇଛି।