ଭାରତୀୟ କୁସ୍ତି ମହାସଂଘ ରଦ୍ଦ କଲା କ୍ରୀଡ଼ା ମନ୍ତ୍ରଣାଳୟ

ନୂଆଦିଲ୍ଲୀ, ୨୪/୧୨/୨୩: ସଞ୍ଜୟ ସିଂହଙ୍କ ନେତୃତ୍ବରେ ଭାରତୀୟ କୁସ୍ତି ମହାସଂଘର ନୂତନ ସଂସ୍ଥାକୁ କ୍ରୀଡ଼ା ମନ୍ତ୍ରଣାଳୟ ନିଲମ୍ବିତ କରିଛି। ଡବ୍ଲ୍ୟୁଏଫଆଇ ସଂସ୍ଥା ପ୍ରଚଳିତ ନିୟମକୁ ସମ୍ପୂର୍ଣ୍ଣ ଅଣଦେଖା କରିଥିବା ଦର୍ଶାଇ ମନ୍ତ୍ରଣାଳୟ ଡିସେମ୍ବର ୨୪ ତାରିଖ ରବିବାର ଦିନ ଏହି ନିଷ୍ପତ୍ତି ଘୋଷଣା କରିଛି।

କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ ଜାତୀୟ ପ୍ରତିଯୋଗିତା ପାଇଁ ଘୋଷଣା ତରବରିଆ ଥିଲା ଏବଂ ଉପଯୁକ୍ତ ପ୍ରକ୍ରିୟା ଅନୁସରଣ କରାଯାଇ ନାହିଁ। ନବନିର୍ବାଚିତ ସଂସ୍ଥାର ସଭାପତି ସଞ୍ଜୟ କୁମାର ସିଂହ ଡିସେମ୍ବର ୨୧ ରେ ଘୋଷଣା କରିଥିଲେ ଯେ ଚଳିତ ବର୍ଷ ଶେଷ ହେବା ପୂର୍ବରୁ କନିଷ୍ଠ ଜାତୀୟ ପ୍ରତିଯୋଗିତା ଆରମ୍ଭ ହେବ। ଏହା ନିୟମ ବିରୁଦ୍ଧରେ ଏବଂ କୁସ୍ତିଯୋଦ୍ଧାମାନେ ପ୍ରସ୍ତୁତି କରିବା ପାଇଁ ଅତି କମରେ ୧୫ ଦିନର ନୋଟିସ ଆବଶ୍ୟକ ଥିଲା ।

ମନ୍ତ୍ରଣାଳୟ ଆହୁରି ମଧ୍ୟ ଅଭିଯୋଗ କରିଛି ଯେ ନୂତନ ସଂସ୍ଥା ପୂର୍ବ ପଦାଧିକାରୀଙ୍କ ସମ୍ପୂର୍ଣ୍ଣ ନିୟନ୍ତ୍ରଣରେ ଥିବା ଜଣାପଡ଼ୁଛି, ଯେଉଁମାନଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆସିଥିଲା। କ୍ରୀଡ଼ା ସଂହିତାକୁ ସମ୍ପୂର୍ଣ୍ଣ ଅଣଦେଖା କରି ନବନିର୍ବାଚିତ ସଂସ୍ଥା ପୂର୍ବତନ ପଦାଧିକାରୀଙ୍କ ସମ୍ପୂର୍ଣ୍ଣ ନିୟନ୍ତ୍ରଣରେ ଥିବା ଜଣାପଡିଛି।

ପୂର୍ବତନ ପଦାଧିକାରୀଙ୍କ ନିୟନ୍ତ୍ରଣରେ ଥିବା ପରିସରରୁ ମହାସଂଘର ବ୍ୟବସାୟ ଚାଲିଛି। ଯେଉଁଥିରେ ଖେଳାଳିଙ୍କ ଉପରେ ଯୌନ ନିର୍ଯାତନା ଅଭିଯୋଗ ଆସିଛି ଏବଂ କୋର୍ଟରେ ଏହି ମାମଲାର ଶୁଣାଣି ଚାଲିଛି।