ବିଜୁ ଯୁବ ଜନତା ଦଳରେ ନୂତନ ରାଜ୍ୟ ସମ୍ପାଦକ ନିଯୁକ୍ତ

ଭୁବନେଶ୍ବର, ୧୫/୦୨/୨୦୨୪: ବିଜୁ ଯୁବ ଜନତା ଦଳ ଏବଂ ବିଜୁ ଛାତ୍ର ଜନତା ଦଳର ସାଙ୍ଗଠନିକ ସ୍ତରକୁ ଆହୁରି ମଜବୁତ କରାଯାଇ ସମ୍ପ୍ରସାରଣ କରାଯାଇଛି। ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଭିନ୍ନ ନେତାମାନଙ୍କୁ ବିଭିନ୍ନ ପଦବୀରେ ନିଯୁକ୍ତ କରିଛନ୍ତି। ଆଗାମୀ ନିର୍ବାଚନକୁ ଦୃଷ୍ଟିରେ ରଖି ନୂତନ କର୍ମକର୍ତ୍ତାଙ୍କୁ ଦାୟିତ୍ୱ ଦିଆଯାଇଛି।

ରାଜ୍ୟ କମିଟିକୁ ସୁଦୃଢ଼ କରିବା ପାଇଁ ବିଭିନ୍ନ ପଦବୀରେ ନିଯୁକ୍ତି ଦିଆଯାଇଛି। ବିଜୁ ଯୁବ ଜନତା ଦଳରେ ରାଜ୍ୟ ସାଧାରଣ ସମ୍ପାଦକ ଭାବେ ଶ୍ରୀ ବିଜୟ କୁମାର ବିଶ୍ୱାଳ, ଶ୍ରୀ ଜଗନ୍ନାଥ ନାଥ ଏବଂ ରାଜ୍ୟ ସମ୍ପାଦକ ଭାବେ ଶ୍ରୀ ଅଜୟ କୁମାରଙ୍କୁ ଦାୟିତ୍ୱ ଦିଆଯାଇଛି। ସେହିଭଳି ବିଜୁ ଛାତ୍ର ଜନତା ଦଳରେ ରାଜ୍ୟ ଉପାଧ୍ୟକ୍ଷ ଭାବେ ଶ୍ରୀ ସୌମ୍ୟରଂଜନ ମହାପାତ୍ର ଓ ରାଜ୍ୟ ସାଧାରଣ ସମ୍ପାଦକ ଭାବେ ଶ୍ରୀ ଅନମୋଲ ଦାସ, ସନ୍ତୋଷ କୁମାର ବେହେରା ଏବଂ ରାଜ୍ୟ ସମ୍ପାଦକ ଭାବେ ଶ୍ରୀ ପ୍ରକାଶ ଚନ୍ଦ୍ର ଦଳାଇଙ୍କୁ ନିଯୁକ୍ତ କରାଯାଇଛି।