ନୂଆଦିଲ୍ଲୀ, ୧୪/୧୦: ଅକ୍ଟୋବର ୨୩ରୁ ଦୁଇ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟର ୭୫ତମ ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେବା ପାଇଁ ସେ ଅକ୍ଟୋବର ୨୩ରେ ଓଡ଼ିଶା ଆସିବେ ଏବଂ ଅକ୍ଟୋବର ୨୪ରେ ପୁରୀ ଗସ୍ତ କରିବେ। ୨୪ରେ ଅପରାହ୍ନ ୧୨ଟା ୧୦ରୁ ୧ଟା ମଧ୍ୟରେ ପୁରୀ ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ ଯୋଗଦେବେ। ଉଲ୍ଲେଖଯୋଗ୍ୟ, ରାଷ୍ଟ୍ରପତି ଦ୍ରୌପଦୀ ମୁର୍ମୁ ଚଳିତ ବର୍ଷ ଜୁଲାଇ ମାସରେ ୪ ଦିନ ପାଇଁ ଓଡ଼ିଶା ଗସ୍ତରେ ଆସିଥିଲେ।
