ସୁରକ୍ଷାକର୍ମୀଙ୍କ ଗୁଳିରେ ଟଳିଲେ ମହିଳା ମାଓବାଦୀ

ଛତିଶଗଡ଼, ୩୧/୦୩: ଛତିଶଗଡର ଦାନ୍ତେଓ୍ଵାଡାରେ ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ ଚାଲିଥିବା ଗୁଳି ବିନିମୟରେ ଏନକାଉଣ୍ଟରରେ ଜଣେ ମହିଳା ମାଓବାଦୀ ରେଣୁକା ଓରଫ ବାନୁ ନିହତ। ଉକ୍ତ ମହିଳା ମାଓବାଦୀଙ୍କ ମୁଣ୍ଡ ଉପରେ ୨୫ ଲକ୍ଷ ଟଙ୍କାର ପୁରସ୍କାର ରାଶି ଥିଲା। ସେ ମାଓବାଦୀ ସଂଗଠନ ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟି (ଡିକେଏସଜେଡସି)ର ଜଣେ ମହିଳା ସଦସ୍ୟ ଥିଲେ। ଆଜି ସକାଳ ୯ଟାରୁ ଡିଆରଜି ଓ ଏସଟିଏଫ ଯବାନଙ୍କ ମିଳିତ ଅପରେସନ ଆରମ୍ଭ ହୋଇଥିଲା। ଏବେ ବି ସେଠାରେ ସର୍ଚ୍ଚ ଅପରେସନ ଜାରି ରହିଛି। ଜଙ୍ଗଲରେ ଥିବା ମାଓ କ୍ୟାମ୍ପରେ ଚଢ଼ାଉ କରି ଆଇଏନଏସଏଏସ ରାଇଫଲ ଓ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ ହୋଇଛି।