ଆଜି ଜାତୀୟ ପଞ୍ଚାୟତିରାଜ ଦିବସ

ଆଜିର ତାରିଖ ୨୪ ଏପ୍ରିଲ୍ ୨୦୨୫

ଜାତୀୟ ପଞ୍ଚାୟତିରାଜ ଦିବସ : ଆଜିର ଦିନକୁ ସାରା ଦେଶରେ ଜାତୀୟ ପଞ୍ଚାୟତିରାଜ ଦିବସ ଭାବରେ ପାଳନ କରାଯାଏ। ଭାରତରେ ପଞ୍ଚାୟତିରାଜ ମନ୍ତ୍ରଣାଳୟ ଦ୍ୱାରା ପ୍ରତିବର୍ଷ ଏପ୍ରିଲ ୨୪ ରେ ଜାତୀୟ ପଞ୍ଚାୟତିରାଜ ଦିବସ (ଜାତୀୟ ସ୍ଥାନୀୟ ସ୍ୱୟଂ ଶାସନ ଦିବସ) ପାଳନ କରାଯାଏ। ୧୯୯୩ ର ୭୩ତମ ସମ୍ବିଧାନ ସଂଶୋଧନ ଆଇନ ମାଧ୍ୟମରେ ପଞ୍ଚାୟତିରାଜକୁ ସମ୍ବିଧାନୀକରଣ କରାଯାଇଥିଲା। ୨୨ ଡିସେମ୍ବର ୧୯୯୨ରେ ଲୋକସଭା ଏବଂ ୨୩ ଡିସେମ୍ବର ୧୯୯୨ରେ ରାଜସଭାରେ ଏହି ବିଲ୍ ପାରିତ ହୋଇଥିଲା। ପରବର୍ତ୍ତୀ ସମୟରେ ୧୭ଟି ରାଜ୍ୟ ବିଧାନସଭାରେ ଏହାକୁ ଅନୁମୋଦନ ମିଳିଥିଲା ଏବଂ ୨୩ ଏପ୍ରିଲ ୧୯୯୩ରେ ରାଷ୍ଟ୍ରପତିଙ୍କ ଅନୁମୋଦନ ଲାଭ କରିଥିଲା। ଏହି ଆଇନ ୨୪ ଏପ୍ରିଲ ୧୯୯୩ରୁ କାର୍ଯ୍ୟକାରୀ ହୋଇଥିଲା। ଏହାପରେ ଭାରତର ପ୍ରଧାନମନ୍ତ୍ରୀ ମନମୋହନ ସିଂହ ୨୪ ଏପ୍ରିଲ ୨୦୧୦ରେ ପ୍ରଥମ ଜାତୀୟ ପଞ୍ଚାୟତିରାଜ ଦିବସ ଘୋଷଣା କରିଥିଲେ। ପ୍ରତ୍ୟେକ ପଞ୍ଚାୟତରେ ପ୍ରତି ଲୋକଙ୍କ ନିକଟକୁ ବିକାଶ ପହଞ୍ଚାଇବା ଓ ପଞ୍ଚାୟତିରାଜ ବ୍ୟବସ୍ଥାର ସଶକ୍ତିକରଣ କରିବା ଏହି ଦିବସର ମୂଳ ଉଦ୍ଦେଶ୍ୟ।

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ସୁର ସିଂହ (୨୪ ଏପ୍ରିଲ ୧୫୭୧ – ୭ ସେପ୍ଟେମ୍ବର ୧୬୧୯), ମାରୱାଡ ରାଜ୍ୟରେ ମୋଗଲ ସାମ୍ରାଜ୍ୟର ସମ୍ରାଟ ଥିଲେ। ସେ ରାଜା ଉଦୟ ସିଂହଙ୍କ ପୁତ୍ର ଥିଲେ।

୨. ରାଜକୁମାର (୨୪ ଅପ୍ରେଲ ୧୯୨୯ – ୧୨ ଅପ୍ରେଲ ୨୦୦୬), କନ୍ନଡ ସିନେମାର ଜଣେ ଭାରତୀୟ ଚଳଚ୍ଚିତ୍ର ଅଭିନେତା ଏବଂ ପ୍ଲେବ୍ୟାକ ଗାୟକ ଥିଲେ। ରାଜକୁମାର ତାଙ୍କ କ୍ୟାରିୟରରେ ସାମାଜିକ କୁସଂସ୍କାର ବିରୁଦ୍ଧରେ ଚଳଚ୍ଚିତ୍ର ନିର୍ମାଣ କରିଥିଲେ। ସେ ଅନେକ ରାଜ୍ୟ, ଜାତୀୟ ଏବଂ ଅନ୍ତର୍ଜାତୀୟ ପୁରସ୍କାରରେ ସମ୍ମାନିତ ହୋଇଥିଲେ। ତାଙ୍କୁ ପଦ୍ମଭୂଷଣ ଏବଂ କର୍ଣ୍ଣାଟକ ରତ୍ନ ସମ୍ମାନ ରେ ସମ୍ମାନିତ କରାଯାଇଥିଲା।

୩. ଜୟକାନ୍ତନ (୨୪ ଅପ୍ରେଲ ୧୯୩୪ – ୮ ଅପ୍ରେଲ ୨୦୧୫), ଜଣେ ସାମ୍ବାଦିକ, ଲେଖକ, ବକ୍ତା, ଚଳଚ୍ଚିତ୍ର ନିର୍ମାତା ଏବଂ ଔପନ୍ୟାସିକ ଥିଲେ। ଜୟକାନ୍ତନ ତାଙ୍କର ପ୍ରଥମ କ୍ଷୁଦ୍ରଗଳ୍ପ ସୋବାକିୟାବତୀ ଲେଖିଥିଲେ, ଯାହା ୧୯୫୩ ମସିହାରେ ପ୍ରକାଶିତ ହୋଇଥିଲା। ତାଙ୍କ ଲେଖା ପାଇଁ ତାଙ୍କୁ ପଦ୍ମଭୂଷଣ ସମ୍ମାନ ମଧ୍ୟ ମିଳିଥିଲା।

୪. ସଚିନ ରମେଶ ତେନ୍ଦୁଲକର ଜଣେ ଭାରତୀୟ ପୂର୍ବତନ ଅନ୍ତର୍ଜାତୀୟ କ୍ରିକେଟର ଏବଂ ମାଷ୍ଟର ବ୍ଲାଷ୍ଟର ନାମରେ ମଧ୍ୟ ପରିଚିତ। ସେ ମଧ୍ୟ ଟିମ୍ ଇଣ୍ଡିଆର ଅଧିନାୟକ ଥିଲେ। ତାଙ୍କୁ ବିଶ୍ୱର ଅନ୍ୟତମ ଶ୍ରେଷ୍ଠ କ୍ରିକେଟର ଭାବେ ବିବେଚନା କରାଯାଏ। ବର୍ତ୍ତମାନ ସୁଦ୍ଧା ୧୦୦ ଅନ୍ତର୍ଜାତୀୟ ଶତକ ହାସଲ କରିବାରେ ସେ ଏକମାତ୍ର କ୍ରିକେଟର। ତେନ୍ଦୁଲକର ୧୫ ନଭେମ୍ବର ୧୯୮୯ରେ କରାଚିରେ ପାକିସ୍ତାନ ବିପକ୍ଷରେ ୧୬ ବର୍ଷ ବୟସରେ ଟେଷ୍ଟ ମ୍ୟାଚ୍ ଖେଳି କ୍ରିକେଟରେ ପଦାର୍ପଣ କରିଥିଲେ। ସେ ପ୍ରଥମ ବ୍ୟାଟ୍ସମ୍ୟାନ୍ ଭାବେ ଦିନିକିଆରେ ଦ୍ୱିଶତକ ହାସଲ କରିବା ସହ ଉଭୟ ଟେଷ୍ଟ ଓ ଦିନିକିଆ କ୍ରିକେଟରେ ସର୍ବାଧିକ ରନ୍ କରିବାର ରେକର୍ଡର ଅଧିକାରୀ ଥିଲେ। ସେ ଅର୍ଜୁନ ପୁରସ୍କାର (୧୯୯୪), ପଦ୍ମଶ୍ରୀ (୧୯୯୯), ପଦ୍ମବିଭୂଷଣ (୨୦୦୮) ଏବଂ ଭାରତ ରତ୍ନ (୨୦୧୪) ଭଳି ଜାତୀୟ ସମ୍ମାନରେ ସମ୍ମାନିତ ହୋଇଛନ୍ତି।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଜାମିନୀ ରାୟ (୧୧ ଅପ୍ରେଲ ୧୮୮୭ – ୨୪ ଅପ୍ରେଲ ୧୯୭୨) ଜଣେ ଭାରତୀୟ ଚିତ୍ରଶିଳ୍ପୀ ଥିଲେ। ୧୯୫୫ ମସିହାରେ ତାଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଥିଲା।

୨. ରାମଧାରୀ ସିଂ ଦିନକର (୨୩ ସେପ୍ଟେମ୍ବର ୧୯୦୮ – ୨୪ ଅପ୍ରେଲ ୧୯୭୪) ଜଣେ ଭାରତୀୟ କବି, ସ୍ୱାଧୀନତା ସଂଗ୍ରାମୀ, ରାଜ୍ୟସଭା ସଦସ୍ୟ, ପ୍ରବନ୍ଧକାର, ସାମ୍ବାଦିକ ଏବଂ ବ୍ୟଙ୍ଗକାର ଥିଲେ। ସେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ସତ୍ୟାଗ୍ରହ (୧୯୨୮) ଉପରେ ଆଧାରିତ ୧୦ଟି କବିତା ଲେଖିଥିଲେ। ଦିନକର ତିନି ଥର ରାଜ୍ୟସଭାକୁ ନିର୍ବାଚିତ ହୋଇଥିଲେ (୩ ଏପ୍ରିଲ ୧୯୫୨ – ୨୬ ଜାନୁଆରୀ ୧୯୬୪) ଏବଂ ୧୯୫୯ରେ ତାଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଥିଲା।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

ଖ୍ରୀଷ୍ଟପୂର୍ବ ୧୧୮୪ – ଟ୍ରୋଜନ ଯୁଦ୍ଧର ଅନ୍ତ ହୋଇଥିଲା।

ଇଷ୍ଟମ୍ୟାନ୍ କୋଡାକ୍ ର ପ୍ରତିଷ୍ଠା:

୧୮୮୮ – ଆଜିର ଦିନରେ ଜର୍ଜ ଇଷ୍ଟମ୍ୟାନ ଇଷ୍ଟମ୍ୟାନ କୋଡାକ୍ କମ୍ପାନୀ ପ୍ରତିଷ୍ଠା କରିଥିଲେ।

ହବଲ୍ ସ୍ପେସ୍ ଟେଲିସ୍କୋପ୍ ର ଉତକ୍ଷେପଣ:

୧୯୧୮ – ପ୍ରଥମ ଟ୍ୟାଙ୍କ-ଟୁ-ଟ୍ୟାଙ୍କ ଯୁଦ୍ଧ ହୋଇଥିଲା।

୧୯୭୫ – ଆମେରିକା ନେଭାଡା ପରୀକ୍ଷଣ ସ୍ଥଳରେ ପରମାଣୁ ପରୀକ୍ଷଣ କରିଥିଲା ।

୧୯୯୦ – ହବଲ୍ ସ୍ପେସ୍ ଟେଲିସ୍କୋପ୍ ପୃଥିବୀ କକ୍ଷପଥକୁ ଉତକ୍ଷେପଣ କରାଗଲା।

୨୦୧୩ – କୋଠା ଭୁଶୁଡ଼ିବା ବିପର୍ଯ୍ୟୟ ଯୋଗୁଁ ବାଂଲାଦେଶରେ ୧୧୨୯ ଜଣଙ୍କ ମୃତ୍ୟୁ ହୋଇଥିଲା।