ନୂଆଦିଲ୍ଲୀ, ୨୮/୦୪: ଭାରତର ପଡ଼ୋଶୀ ପାକିସ୍ତାନ ସହ ସମ୍ପର୍କ ଜଟିଳ ପରିସ୍ଥିତିରେ ଥିବା ବେଳେ ଆଫଗାନିସ୍ତାନର ତାଲିବାନ ନିୟନ୍ତ୍ରିତ ସରକାରର ବୈଦେଶିକ ବ୍ୟାପାର ମନ୍ତ୍ରୀ ଅମୀର ଖାନ ମୁତ୍ତାକିଙ୍କ ସହ ସାକ୍ଷାତ କରିଛନ୍ତି ଭାରତୀୟ କୂଟନୀତିଜ୍ଞ।
ଆହୁରି ପଢ଼ନ୍ତୁ...
ନିକଟରେ ବୈଦେଶିକ ବ୍ୟାପାର ମନ୍ତ୍ରଣାଳୟର ପାକିସ୍ତାନ-ଆଫଗାନିସ୍ତାନ-ଇରାନ ଡିଭିଜନର ଯୁଗ୍ମ ସଚିବ ଭାବେ ଦାୟିତ୍ୱ ଗ୍ରହଣ କରିଥିବା ଏମ୍ ଆନନ୍ଦ ପ୍ରକାଶ ଆଫଗାନିସ୍ତାନର ରାଜଧାନୀ କାବୁଲରେ ମୁତ୍ତାକିଙ୍କୁ ଭେଟିଥିଲେ। ତାଲିବାନର ବୈଦେଶିକ ମନ୍ତ୍ରାଳୟର ଉପ-ମୁଖପାତ୍ର ହାଫିଜ ଜିଆ ଅହମ୍ମଦ ଉଭୟ ପକ୍ଷ ରାଜନୈତିକ ସମ୍ପର୍କ ଓ ସାମ୍ପ୍ରତିକ ଆଞ୍ଚଳିକ ଗତିବିଧି ଉପରେ ଆଲୋଚନା ହୋଇଥିବାର ସୋସିଆଲ ମିଡିଆରେ କହିଛନ୍ତି। ଅହମ୍ମଦ କହିଛନ୍ତି ଯେ ଉଭୟ ପକ୍ଷ କୂଟନୈତିକ ସମ୍ପର୍କ, ବାଣିଜ୍ୟ, ଭିସା ସୁବିଧା ଏବଂ ପାରସ୍ପରିକ ସହଯୋଗ ଉପରେ ଗୁରୁତ୍ୱାରୋପ କରିଥିଲେ। ତେବେ ଭାରତ ପକ୍ଷରୁ ଏ ଯାଏଁ କୌଣସି ସୂଚନା ମିଳିନାହିଁ।