ନୋଏଡା ୭।୧୦: ନୋଏଡା ସେକ୍ଟର-୩-ସିରେ ଶୁକ୍ରବାର ମଧ୍ୟାହ୍ନରେ ଅଗ୍ନିକାଣ୍ଡ ଘଟିଛି। ନିଆଁ ଏକ ଫ୍ୟାକ୍ଟ୍ରିରେ ଲାଗିଥିବା ବେଳେ ୩ଟି ଦମକଳ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ ଚଳାଇଛନ୍ତି। ନିଆଁ ଲାଗିବା ଯୋଗୁ କାରଖାନା ପରିସରରେ ଚାଞ୍ଚଲ୍ୟ ଖେଳି ଯାଇଥିଲା। କାମ କରୁଥିବା ଲୋକେ ଯିଏଯୁଆଡେ ଦଉଡା ଧାପଡା କରି ନିଆଁକୁ ଆୟତ୍ତ କରିବାକୁ ଉଦ୍ୟମ କରିଥିଲେ। ତେବେ ନିଆଁ ବ୍ୟାପିବା ଯୋଗୁ ଦମକଳ ବିଭାଗକୁ ସୂଚିତ କରାଯାଇଥିଲା।
ଆହୁରି ପଢ଼ନ୍ତୁ...
ପ୍ରାରମ୍ଭିକ ସୂଚନା ଅନୁସାରେ ବିଦ୍ୟୁତ ସର୍ଟସର୍କିଟ ଯୋଗୁ ନିଆଁ ଲାଗିଛି। ନିଆଁ ଲାଗିବା ପରେ କାର୍ଯ୍ୟାଳୟରେ କାମ କରୁଥିବା ଲୋକେ ବାହାରକୁ ଦଉଡି ପଳାଉଥିବାର ଦେଖା ଯାଇଥିଲା। ତେବେ ଅଗ୍ନିକାଣ୍ଡ ଯୋଗୁ କେହି ହତାହତ ହେବାର ସୂଚନା ନଥିବା କୁହାଯାଇଛି। ଅକ୍ନିକାଣ୍ଡର ଏକ ଭିଡିଓ ମଧ୍ୟ ଦେଖାଯାଉଛି। ଏଥିରେ ନିଆଁ ଉପରକୁ ଉଠୁଥିବାର ଓ ଦମକଳ ବିଭାଗ କର୍ମଚାରୀମାନେ ନିଆଁକୁ ଆୟତ୍ତ କରିବାକୁ ଉଦ୍ୟମ କରୁଥିବାର ଦେଖାଯାଇଛି।