କାବୁଲ : ଆଫଗାନ ଝିଅ ମାନଙ୍କ ପାଇଁ ବିଶ୍ବବିଦ୍ୟାଳୟର ଦ୍ବାରକୁ ବନ୍ଦ କରିଦେଇଛି ତାଲିବାନ । ତାଲିବାନର ସୁରକ୍ଷାକର୍ମୀମାନେ ବିଶ୍ବବିଦ୍ୟାଳୟ ବାହାରେ ବନ୍ଧୁକ ସହ ଜଗି ରହି ଝିଅମାନଙ୍କୁ ଭିତରକୁ ଛାଡ଼ୁନାହାନ୍ତି । ସାରା ବିଶ୍ବରେ ତାଲିବାନର ଏହି ନିଷ୍ପତ୍ତିକୁ ନିନ୍ଦା କରାଯାଇଛି ।
ଆହୁରି ପଢ଼ନ୍ତୁ...
ତାଲିବାନ ଅଧିକାରୀମାନେ ମଙ୍ଗଳବାର ଦିନ ଆଫଗାନିସ୍ତାନ ଝିଅମାନଙ୍କ ପାଇଁ ବିଶ୍ୱବିଦ୍ୟାଳୟ ଶିକ୍ଷା ଉପରେ ଅନିର୍ଦ୍ଦିଷ୍ଟ କାଳ ପାଇଁ ନିଷେଧାଦେଶ ଜାରି କରିଛନ୍ତି । ଉଚ୍ଚଶିକ୍ଷା ମନ୍ତ୍ରଣାଳୟ ଏ ସମ୍ପର୍କରେ ସମସ୍ତ ସରକାରୀ ଏବଂ ବେସରକାରୀ ବିଶ୍ୱବିଦ୍ୟାଳୟକୁ ଏକ ଚିଠି ଜାରି କରିଛି। ଉଚ୍ଚଶିକ୍ଷା ମନ୍ତ୍ରୀ ନେଦା ମହମ୍ମଦ ନଦିମଙ୍କ ଦ୍ୱାରା ସ୍ୱାକ୍ଷରିତ ଏହି ଚିଠିରେ କୁହାଯାଇଛି ଯେ ପରବର୍ତ୍ତୀ ବିଜ୍ଞପ୍ତି ପର୍ଯ୍ୟନ୍ତ ମହିଳା ଶିକ୍ଷାକୁ ସ୍ଥଗିତ ରଖାଯାଉଛି ।