ବ୍ୟାଙ୍କକ୍ : ଥାଇଲାଣ୍ଡ ଯୁଦ୍ଧ ଜାହାଜ ବୁଡ଼ିବା ଘଟଣାକୁ ୩ ଦିନ ହୋଇଯାଇଥିଲେ ବି ଏବେ ବି ୨୩ ଜଣ ନିଖୋଜ ଅଛନ୍ତି । ସେମାନଙ୍କ ଜୀବିତ ରହିବା ସମ୍ଭାବନା ଦିନକୁ ଦିନ କ୍ଷୀଣ ହେବାରେ ଲାଗିଛି । ମଙ୍ଗଳବାର ସୁଦ୍ଧା ୨୯ ଜଣ ନିଖୋଜ ଥିବାବେଳେ ବୁଧବାର ସକାଳେ ୬ ଜଣଙ୍କ ମୃତଦେହ ଉଦ୍ଧାର ହୋଇଛି । ଅନ୍ୟ ୨୩ ଜଣଙ୍କ ସନ୍ଧାନ କାର୍ଯ୍ୟ ଏବେ ବି ଜାରି ରହିଛି । ସେମାନଙ୍କ ସନ୍ଧାନ ପାଇଁ ନୌସେନା ପକ୍ଷରୁ ଏକ ସମୁଦ୍ର ତଳରେ ଚାଲୁଥିବା ଡ୍ରୋନ ‘ସିଫକ୍ସ’ ମୁତୟନ କରାଯାଇଛି । ସିଫକ୍ସ ଜାହାଜ ନିକଟରେ ପହଞ୍ଚିବା ପରେ ଜାହାଜ ଅଭ୍ୟନ୍ତରରେ ପଶି ତାହାର ଯାଞ୍ଚ କରିବ । ଭିତରେ ଯଦି କିଏ ଫସି ରହିଛନ୍ତି ସେମାନଙ୍କ ସନ୍ଧାନ କରିବ ।
