ବସ ଓ ଟ୍ରକ ମୁହାଁମୁହିଁ; ୧୦ ଗୁରୁତର ଆହତ

ରାଉରକେଲା: ରାଉରକେଲାରେ ଏକ ବସ୍ ଓ ଟ୍ରକ ମୁହାଁମୁହିଁ ହେବା ଫଳରେ ଦୁର୍ଘଟଣା ଘଟି ୧୦ ଜଣ ଗୁରୁତର ଭାବେ ଆହତ ହୋଇଛନ୍ତି । ଝାରସୁଗୁଡା ଜିଲ୍ଲା ବୀରମିତ୍ରପୁର ରାଣୀ ସତୀ ମନ୍ଦିର ନିକଟରେ ଏହି ଦୁର୍ଘଟଣା ଘଟିଛି ।
ସୂଚନାନୁସାରେ, ଏକ ରାଣୀ ନାମକ ଯାତ୍ରୀବାହୀ ବସଟି ଝାଡଖଣ୍ଡରୁ ବାହାରି ଝାରସୁଗୁଡା ଅଭିମୁଖେ ଆସୁଥିବା ସମୟରେ ସତୀ ମନ୍ଦିର ନିକଟରେ ଏକ ମାଲବାହୀ ଟ୍ରକ ସାଙ୍ଗରେ ଧକ୍କା ହୋଇଥିଲା, ଯାହାଫଳରେ ୧୦ ଜଣ ଗୁରୁତର ଆହତ ହୋଇଥିଲେ । ସ୍ଥାନୀୟ ବ୍ୟକ୍ତିମାନେ ଦୁର୍ଘଟଣାସ୍ଥଳରୁ ଗୁରୁତରମାନଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତି କରିବା ସହ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଉକ୍ତ ଗାଡିକୁ ଜବତ କରିଛି ଏବଂ ଏହି ଘଟଣାର ଅଧିକ ତଦନ୍ତ କରୁଛି ।