କେରଳର ପୂର୍ବତନ ମୁଖ୍ୟମନ୍ତ୍ରୀ ଓମେନ୍ ଚଣ୍ଡିଙ୍କ ପରଲୋକ

କେରଳ: କେରଳର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଓମେନ୍ ଚଣ୍ଡିଙ୍କର ମଙ୍ଗଳବାର ଭୋର ସମୟରେ ବେଙ୍ଗାଲୁରୁର ଏକ ଘରୋଇ ହସ୍ପିଟାଲରେ ପରଲୋକ ଘଟିଛି। ମୃତ୍ୟୁ ବେଳକୁ ଚଣ୍ଡିଙ୍କୁ ୭୯ ବର୍ଷ ବୟସ ହୋଇଥିଲା। ଗତ କିଛି ମାସ ହେବ ସ୍ୱାସ୍ଥ୍ୟାବସ୍ଥା ଭଲ ନଥିଲା। ସେ ଗଳା କର୍କଟ ରୋଗରେ ପୀଡ଼ିତ ଥିଲେ।
ଚଣ୍ଡୀଙ୍କ ମୃତ୍ୟୁ ପରେ କେରଳ ସରକାର ମଙ୍ଗଳବାର ସରକାରୀ ଛୁଟି ଘୋଷଣା କରିଛନ୍ତି। ଏଥିସହିତ ରାଜ୍ୟରେ ଦୁଇ ଦିନିଆ ଶୋକ ପାଳନ କରାଯିବ। ତାଙ୍କ ପରିବାର ଲୋକଙ୍କ କହିବା ମୁତାବକ, ତାଙ୍କ ମରଶରୀରକୁ ବେଙ୍ଗାଲୁରୁରୁ ରାଜ୍ୟର ରାଜଧାନୀ ତିରୁବନନ୍ତପୁରମକୁ ନିଆଯିବ ଏବଂ ବୁଧବାର ପୁଥୁପଲ୍ଲୀସ୍ଥିତ ତାଙ୍କ ବାସଭବନ ପରିସରରେ ଅନ୍ତିମ ସଂସ୍କାର କରାଯିବାର ଯୋଜନା ରହିଛି।