ଲାପଟପ୍, ଟାବଲେଟ୍, କମ୍ପ୍ୟୁଟର ଆମଦାନୀ ଉପରେ କଟକଣା

ନୂଆଦିଲ୍ଲୀ: ଅଗଷ୍ଟ ୩ ତାରିଖ ଗୁରୁବାର ଦିନ ସରକାର ଲାପଟପ୍, ଟ୍ୟାବଲେଟ୍, ବ୍ୟକ୍ତିଗତ କମ୍ପ୍ୟୁଟର, ଅଲଟ୍ରା-ସ୍ମଲ ଫର୍ମ ଫ୍ୟାକ୍ଟର କମ୍ପ୍ୟୁଟର ଏବଂ ସର୍ଭର ଉପରେ ତୁରନ୍ତ ଆମଦାନୀ ପ୍ରତିବନ୍ଧକ ଲଗାଇଛନ୍ତି। ଏହି ପଦକ୍ଷେପ ଦ୍ୱାରା ଚାଇନା ଭଳି ଦେଶରୁ ଆମଦାନୀ ହ୍ରାସ ପାଇବ ବୋଲି ଆଶା କରାଯାଉଛି।

ବୈଦେଶିକ ବାଣିଜ୍ୟ ମହାନିର୍ଦ୍ଦେଶାଳୟ (ଡିଜିଏଫଟି) ଏହାର ବିଜ୍ଞପ୍ତିରେ କହିଛି ଯେ ଗବେଷଣା ଓ ବିକାଶ, ପରୀକ୍ଷଣ, ବେଞ୍ଚମାର୍କିଂ ଏବଂ ମୂଲ୍ୟାୟନ, ମରାମତି ଏବଂ ରିଟର୍ଣ୍ଣ ଏବଂ ଉତ୍ପାଦ ବିକାଶ ଉଦ୍ଦେଶ୍ୟରେ ସାମଗ୍ରୀ ପିଛା ୨୦ଟି ସାମଗ୍ରୀ ପର୍ଯ୍ୟନ୍ତ ଆମଦାନୀ ଲାଇସେନ୍ସରୁ ମୁକ୍ତି ପ୍ରଦାନ କରାଯାଇଛି। କଟକଣା ଅଧୀନରେ ଥିବା ଉତ୍ପାଦପାଇଁ ସରକାରଙ୍କ ଲାଇସେନ୍ସ କିମ୍ବା ଅନୁମତି ଆବଶ୍ୟକ ।

ଇ-କମର୍ସ ପୋର୍ଟାଲରୁ କ୍ରୟ କରାଯାଇଥିବା କମ୍ପ୍ୟୁଟର ସମେତ ୧ଟି ଲାପଟପ୍, ଟାବଲେଟ୍, ଅଲ୍-ଇନ୍-ୱାନ୍ ବ୍ୟକ୍ତିଗତ କମ୍ପ୍ୟୁଟର କିମ୍ବା ଅଲ୍ଟ୍ରା ସ୍ମଲ ଫର୍ମ ଫ୍ୟାକ୍ଟର କମ୍ପ୍ୟୁଟର କୁ ଡାକ କିମ୍ବା କୋରିଅର୍ ଜରିଆରେ ଆମଦାନୀ ଲାଇସେନ୍ସ ଅନାବଶ୍ୟକ। ବିଜ୍ଞପ୍ତି ଅନୁଯାୟୀ ଆମଦାନୀ ଉପରେ ଶୁଳ୍କ ଦେବାକୁ ପଡ଼ିବ। ବିଦେଶରେ ମରାମତି ହୋଇଥିବା ସାମଗ୍ରୀର ପୁନଃ ଆମଦାନୀ ସମ୍ପର୍କରେ ଡିଜିଏଫଟି କହିଛି ଯେ ଉକ୍ତ ସାମଗ୍ରୀର ମରାମତି ଏବଂ ଫେରସ୍ତ ପାଇଁ ସୀମିତ ଆମଦାନୀ ପାଇଁ ଲାଇସେନ୍ସ ଆବଶ୍ୟକ ହେବ ନାହିଁ।