ଭାରତରେ ଜନ୍ମିତ ଏହି ବ୍ୟକ୍ତି ନେପାଳର ୪ ଥର ପ୍ରଧାନମନ୍ତ୍ରୀ ହୋଇଥିଲେ
‘ଦର୍ଶନ ଆଇନାରେ ଇତିହାସର ପୃଷ୍ଠା’ରେ ଜାଣନ୍ତୁ ସେହି ପ୍ରଧାନମନ୍ତ୍ରୀଙ୍କ ବିଷୟରେ
ଆଜିର ତାରିଖ ୨୦ ମାର୍ଚ୍ଚ ୨୦୨୫
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ପି.ସି. ଆଲେକଜାଣ୍ଡର (୨୦ ମାର୍ଚ୍ଚ ୧୯୨୧ – ୧୦ ଅଗଷ୍ଟ ୨୦୧୧) ୧୯୪୮ ବ୍ୟାଚର ଜଣେ ଭାରତୀୟ ପ୍ରଶାସନିକ ସେବା ଅଧିକାରୀ ଥିଲେ। ଯିଏ କି ୧୯୮୮-୧୯୯୦ ପର୍ଯ୍ୟନ୍ତ ତାମିଲନାଡୁର ରାଜ୍ୟପାଳ ଏବଂ ୧୯୯୩ -୨୦୦୨ ପର୍ଯ୍ୟନ୍ତ ମହାରାଷ୍ଟ୍ରର ରାଜ୍ୟପାଳ ଭାବରେ କାର୍ଯ୍ୟ କରିଥିଲେ। ୨୦୦୨ମସିହାରେ ସେ ରାଷ୍ଟ୍ରପତି ପଦ ପାଇଁ ପ୍ରାର୍ଥୀ ଭାବରେ ବିବେଚିତ ହୋଇଥିଲେ। ମହାରାଷ୍ଟ୍ରରେ ଥିବା ସମୟରେ ସେ ୧୯୯୬ରୁ ୧୯୯୮ ପର୍ଯ୍ୟନ୍ତ ଗୋଆର ଅତିରିକ୍ତ ଦାୟିତ୍ୱ ତୁଲାଇଥିଲେ। ସେ ୨୯ ଜୁଲାଇ ୨୦୦୨ରୁ ୨ ଏପ୍ରିଲ ୨୦୦୮ ପର୍ଯ୍ୟନ୍ତ ସ୍ୱାଧୀନ ପ୍ରାର୍ଥୀ ଭାବରେ ମହାରାଷ୍ଟ୍ରରୁ ରାଜ୍ୟସଭାର ସଦସ୍ୟ ଥିଲେ।
୨. ଗୋବିନ୍ଦରାଜନ ପଦ୍ମନାଭନ ଜଣେ ଭାରତୀୟ ବାୟୋକେମିଷ୍ଟ ଏବଂ ବାୟୋଟେକ୍ନୋଲୋଜିଷ୍ଟ। ସେ ଭାରତୀୟ ବିଜ୍ଞାନ ପ୍ରତିଷ୍ଠାନ (ଆଇଆଇଏସସି)ର ପୂର୍ବତନ ନିର୍ଦ୍ଦେଶକ ଥିଲେ ଏବଂ ବର୍ତ୍ତମାନ ଆଇଆଇଏସସିର ବାୟୋକେମିଷ୍ଟ୍ରି ବିଭାଗରେ ପ୍ରଫେସର ଭାବରେ କାର୍ଯ୍ୟ କରୁଛନ୍ତି। ୧୯୮୩ ମସିହାରେ ତାଙ୍କୁ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ପାଇଁ ଶାନ୍ତି ସ୍ୱରୂପ ଭଟ୍ଟନାଗର ପୁରସ୍କାରରେ ସମ୍ମାନିତ କରାଯାଇଥିଲା। ପରେ ୧୯୯୧ରେ ତାଙ୍କୁ ପଦ୍ମଶ୍ରୀ ଓ ୨୦୦୩ରେ ପଦ୍ମଭୂଷଣରେ ସମ୍ମାନିତ କରାଯାଇଥିଲା।
୩. ସାବିତ୍ରୀ ଦେବୀ ଜିନ୍ଦଲ ଜଣେ ଭାରତୀୟ ମହିଳା ବ୍ୟବସାୟୀ ଯିଏ ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡର ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ଜୟପାଲ ସିଂହ ମୁଣ୍ଡା (୩ ଜାନୁଆରୀ ୧୯୦୩ – ୨୦ ମାର୍ଚ୍ଚ ୧୯୭୦) ଜଣେ ଭାରତୀୟ ରାଜନୀତିଜ୍ଞ, ଲେଖକ ଓ କ୍ରୀଡ଼ାବିତ୍ ଥିଲେ। ସେ ଭାରତୀୟ ସଂଘର ନୂତନ ସମ୍ବିଧାନ ଉପରେ ବିତର୍କ କରୁଥିବା ସମ୍ବିଧାନ ସଭାର ସଦସ୍ୟ ଥିଲେ। ୧୯୨୮ ମସିହାରେ ଆମଷ୍ଟର୍ଡାମରେ ଅନୁଷ୍ଠିତ ଗ୍ରୀଷ୍ମକାଳୀନ ଅଲିମ୍ପିକ୍ସରେ ସେ ଭାରତୀୟ ଫିଲ୍ଡ ହକି ଦଳର ନେତୃତ୍ୱ ନେଇ ସ୍ୱର୍ଣ୍ଣ ପଦକ ଜିତିଥିଲେ।
୨. ଗିରିଜା ପ୍ରସାଦ କୋଇରାଲା (୪ ଜୁଲାଇ ୧୯୨୪ – ୨୦ ମାର୍ଚ୍ଚ ୨୦୧୦) ଜଣେ ନେପାଳୀ ରାଜନୀତିଜ୍ଞ ଥିଲେ। ସେ ବିହାରର ସହରସାରେ ଜନ୍ମଗ୍ରହଣ କରିଥିଲେ। ସେ ନେପାଳୀ କଂଗ୍ରେସର ନେତୃତ୍ୱ ନେଇଥିଲେ ଏବଂ ୧୯୯୧ – ୧୯୯୪, ୧୯୯୮ – ୧୯୯୯, ୨୦ – ୨୦୦୧ ଏବଂ ୨୦୦୬ – ୨୦୦୮ ପର୍ଯ୍ୟନ୍ତ ଚାରି ଥର ନେପାଳର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ଜାନୁଆରୀ ୨୦୦୭ରୁ ଜୁଲାଇ ୨୦୦୮ ମଧ୍ୟରେ ସେ ନେପାଳର କାର୍ଯ୍ୟକାରୀ ରାଷ୍ଟ୍ରମୁଖ୍ୟ ଥିଲେ।
୩. ଖୁଶୱନ୍ତ ସିଂହ (୨ ଫେବୃଆରୀ ୧୯୧୫ – ୨୦ ମାର୍ଚ୍ଚ ୨୦୧୪) ଜଣେ ଭାରତୀୟ ଲେଖକ, ଆଇନଜୀବୀ, କୂଟନୀତିଜ୍ଞ, ସାମ୍ବାଦିକ ଏବଂ ରାଜନେତା ଥିଲେ। ଖୁଶୱନ୍ତ ସିଂହଙ୍କୁ ୧୯୭୪ ମସିହାରେ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ତେବେ ଅପରେସନ ବ୍ଲୁ ଷ୍ଟାରରେ ଭାରତୀୟ ସେନା ଅମୃତସରରେ ଚଢ଼ାଉ କରିଥିବାରୁ ଏହାର ପ୍ରତିବାଦରେ ସେ ୧୯୮୪ରେ ଏହି ପୁରସ୍କାର ଫେରାଇ ଦେଇଥିଲେ। ୨୦୦୭ ମସିହାରେ ତାଙ୍କୁ ଭାରତର ଦ୍ବିତୀୟ ସର୍ବୋଚ୍ଚ ବେସାମରିକ ସମ୍ମାନ ପଦ୍ମବିଭୂଷଣରେ ସମ୍ମାନିତ କରାଯାଇଥିଲା। ୧୯୪୭ ଭାରତ ବିଭାଜନରେ ସେ ତାଙ୍କର ଅଭିଜ୍ଞତା ଯୋଗୁଁ ୧୯୫୬ ରେ ଟ୍ରେନ୍ ଟୁ ପାକିସ୍ତାନ ଲେଖିଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣା କ୍ରମ ଉପରେ:-
୧୬୦୨ – ୟୁନାଇଟେଡ୍ ଡଚ୍ ଇଷ୍ଟ ଇଣ୍ଡିଆ କମ୍ପାନି (ଭିଓସି) ଗଠନ ହୋଇଥିଲା।
୧୭୬୦ – ବୋଷ୍ଟନର ଗ୍ରେଟ୍ ଅଗ୍ନିକାଣ୍ଡରେ ୩୪୯ଟି କୋଠା ନଷ୍ଟ ହୋଇଯାଇଥିଲା।
୧୮୧୪ – ପ୍ରିନ୍ସ ୱିଲେମ୍ ଫ୍ରେଡେରିକ୍ ନେଦରଲ୍ୟାଣ୍ଡର ରାଜା ହୋଇଥିଲେ।
୧୮୧୫ – ନେପୋଲିୟନ୍ ଏଲବାରୁ ଖସି ପଳାଇ ପ୍ୟାରିସରେ ପ୍ରବେଶ କରିଥିଲେ।
୧୯୫୬ – ଟ୍ୟୁନିସିଆ ଏକ ସ୍ୱାଧୀନ ରାଷ୍ଟ୍ରରେ ପରିଣତ ହେଲା।
୧୯୭୭ – ଇନ୍ଦିରା ଗାନ୍ଧୀ ଭାରତରେ ନିର୍ବାଚନ ହାରିଥିଲେ।
୨୦୦୩ – ଇରାକ ଆକ୍ରମଣ: ଯୁକ୍ତରାଷ୍ଟ୍ର ଆମେରିକା, ବ୍ରିଟେନ, ଅଷ୍ଟ୍ରେଲିଆ ଏବଂ ପୋଲାଣ୍ଡ ମିଳିତ ଭାବେ ଇରାକ ଉପରେ ଆକ୍ରମଣ ଆରମ୍ଭ କରିଥିଲେ।
୨୦୧୩ – ପାଏରେ ଡେଲିଗ୍ନେ ଗଣିତରେ ଆବେଲ ପୁରସ୍କାର ପାଇଥିଲେ।
୨୦୧୬ – ୧୯୨୮ ପରେ ୨୦୧୬ରେ ବାରାକ୍ ଓବାମା ପ୍ରଥମ ଆମେରିକୀୟ ରାଷ୍ଟ୍ରପତି ଭାବେ କ୍ୟୁବା ଗସ୍ତ କରିଥିଲେ।
୨୦୧୮ – ସାଉଦି ଆରବର କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ହ୍ୱାଇଟ୍ ହାଉସରେ ଭେଟିଥିଲେ।
୨୦୨୦ – ନିର୍ଭୟା ଦୁଷ୍କର୍ମ ମାମଲାର ୪ ଦୋଷୀଙ୍କୁ ଫାଶୀ ଦିଆଯାଇଥିଲା।