ଆଜିର ତାରିଖ ୧୪ ସେପ୍ଟେମ୍ବର ୨୦୨୫
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ଗୋପାଳଦାସ ପରମାନନ୍ଦ ସିପ୍ପି (୧୪ ସେପ୍ଟେମ୍ବର ୧୯୧୫ – ୨୫ ଡିସେମ୍ବର ୨୦୦୭), ଜଣେ ଭାରତୀୟ ହିନ୍ଦୀ ଚଳଚ୍ଚିତ୍ର ପ୍ରଯୋଜକ ଏବଂ ନିର୍ଦ୍ଦେଶକ। ସେ ସୀତା ଔର ଗୀତା (୧୯୭୨), ଶାନ (୧୯୮୦), ସାଗର (୧୯୮୫), ରାଜୁ ବନ ଗୟା ଜେଣ୍ଟେଲମ୍ୟାନ୍ ଏବଂ ଶୋଲେ ଭଳି ଅନେକ ଲୋକପ୍ରିୟ ବଲିଉଡ୍ ବ୍ଲକବଷ୍ଟର ଫିଲ୍ମ ନିର୍ମାଣ ପାଇଁ ଜଣାଶୁଣା। ସେ ୨୦୦୦ ମସିହାରେ ମୁମ୍ବାଇ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଜୀବନବ୍ୟାପୀ ସାଧନା ପୁରସ୍କାର ପାଇଥିଲେ। ସିପ୍ପି ୭୦, ୮୦ ଏବଂ ୯୦ ଦଶକରେ ଫିଲ୍ମ ଏବଂ ଟିଭି ପ୍ରଯୋଜକ ଗିଲ୍ଡ ଅଫ୍ ଇଣ୍ଡିଆର ସଭାପତି ମଧ୍ୟ ଥିଲେ।
୨. ରାମ ବୁଲଚାନ୍ଦ ଜେଠମାଲାନି (୧୪ ସେପ୍ଟେମ୍ବର ୧୯୨୩ – ୮ ସେପ୍ଟେମ୍ବର ୨୦୧୯), ଜଣେ ଭାରତୀୟ ଓକିଲ ଏବଂ ରାଜନେତା ଥିଲେ। ସେ ଭାରତର କେନ୍ଦ୍ର ଆଇନ ଏବଂ ନ୍ୟାୟ ମନ୍ତ୍ରୀ, ଭାରତୀୟ ବାର ପରିଷଦର ଅଧ୍ୟକ୍ଷ ଏବଂ ସୁପ୍ରିମକୋର୍ଟ ବାର ଆସୋସିଏସନର ସଭାପତି ଭାବରେ କାର୍ଯ୍ୟ କରିଥିଲେ। ସେ ଭାରତୀୟ ଜନତା ପାର୍ଟି (ବିଜେପି) ଟିକେଟରେ ମୁମ୍ବାଇ ଉତ୍ତର-ପଶ୍ଚିମ ନିର୍ବାଚନ ମଣ୍ଡଳୀରୁ ଦୁଇଥର ଲୋକସଭା ସଦସ୍ୟ ଭାବରେ ନିର୍ବାଚିତ ହୋଇଥିଲେ। ସେ ପ୍ରଥମ ଅଟଳ ବିହାରୀ ବାଜପେୟୀ ମନ୍ତ୍ରଣାଳୟରେ ନଗର ଉନ୍ନୟନ କେନ୍ଦ୍ର ମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିଥିଲେ।
୩. ରବିନ୍ ସିଂହ (୧୪ ସେପ୍ଟେମ୍ବର ୧୯୬୩) ଜଣେ ପୂର୍ବତନ ଭାରତୀୟ କ୍ରିକେଟର। ସେ ODI କ୍ରିକେଟ ସହିତ ଟେଷ୍ଟ କ୍ରିକେଟ ମ୍ୟାଚ୍ ମଧ୍ୟ ଖେଳିଥିଲେ। କିନ୍ତୁ ତାଙ୍କର ଜନ୍ମ ୧୪ ସେପ୍ଟେମ୍ବର ୧୯୬୩ ରେ ଭାରତ ପରିବର୍ତ୍ତେ ପ୍ରିନ୍ସ ଟାଉନ୍, ତ୍ରିନିଦାଦ ଏବଂ ଟୋବାଗୋରେ ହୋଇଥିଲା। ସେ ୧୯୮୯ ରୁ ୨୦୦୧ ପର୍ଯ୍ୟନ୍ତ ଭାରତୀୟ କ୍ରିକେଟ ଦଳ ପାଇଁ କେବଳ ଗୋଟିଏ ଟେଷ୍ଟ ମ୍ୟାଚ୍ ଏବଂ ୧୩୬ ଟି ଦିନିକିଆ ମ୍ୟାଚ୍ ଖେଳିଥିଲେ। ଏହା ପରେ, ସେ ଜଣେ ପ୍ରଶିକ୍ଷକ ଭାବରେ କ୍ରିକେଟରେ କ୍ୟାରିଅର ମଧ୍ୟ କରିଥିଲେ ଏବଂ ଇଣ୍ଡିଆନ ପ୍ରିମିୟର ଲିଗର ୨୦୧୦ ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ଫ୍ରାଞ୍ଚାଇଜର ଅଧିନାୟକ ଥିଲେ। ୨୦୧୩ ପର୍ଯ୍ୟନ୍ତ କାରିବିଆନ ପ୍ରିମିୟର ଲିଗରେ ବାରବାଡୋସ ଟ୍ରାଇଡେଣ୍ଟର ପ୍ରଶିକ୍ଷକ ଭାବରେ ଏକକାଳୀନ କାର୍ଯ୍ୟ କରୁଥିଲେ। ଏହା ବ୍ୟତୀତ, ସେ ଆଇପିଏଲରେ ଡେକାନ ଚାର୍ଜର୍ସ ପାଇଁ ମଧ୍ୟ ପ୍ରଶିକ୍ଷକ ଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ତାରାଶଙ୍କର ବନ୍ଦୋପାଧ୍ୟାୟ (୨୩ ଜୁଲାଇ ୧୮୯୮ – ୧୪ ସେପ୍ଟେମ୍ବର ୧୯୭୧), ଜଣେ ପ୍ରସିଦ୍ଧ ବଙ୍ଗାଳୀ ଲେଖକ। ତାଙ୍କର ପ୍ରସିଦ୍ଧ ଉପନ୍ୟାସ ‘ଗଣଦେବତା’ ପାଇଁ ତାଙ୍କୁ ୧୯୬୬ ମସିହାରେ ‘ଜ୍ଞାନପୀଠ ପୁରସ୍କାର’ ପ୍ରଦାନ କରାଯାଇଥିଲା। ତାରାଶଙ୍କର ବନ୍ଦୋପାଧ୍ୟାୟଙ୍କୁ ସାହିତ୍ୟ ଏବଂ ଶିକ୍ଷା କ୍ଷେତ୍ରରେ ଭାରତ ସରକାର ୧୯୬୯ ମସିହାରେ ‘ପଦ୍ମ ଭୂଷଣ’ ପ୍ରଦାନ କରିଥିଲେ। ସତ୍ୟଜିତ ରାୟ ତାରାଶଙ୍କରଙ୍କ କାହାଣୀ ‘ଜଳସାଗର’ ଉପରେ ଏକ ଚଳଚ୍ଚିତ୍ର ମଧ୍ୟ ନିର୍ମାଣ କରିଥିଲେ। ୧୯୫୬ ମସିହାରେ ‘ଆରୋଗ୍ୟ ନିକେତନ’ ପାଇଁ ଏବଂ ୧୯୬୭ ମସିହାରେ ‘ଗଣଦେବତା’ ପାଇଁ ସାହିତ୍ୟ ଏକାଡେମୀ ଦ୍ୱାରା ଜ୍ଞାନପୀଠ ପୁରସ୍କାର ପାଇଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୮୩୩ – ୱିଲିୟମ୍ ଭେଣ୍ଟିକ୍ ପ୍ରଥମ ଗଭର୍ଣ୍ଣର-ଜେନେରାଲ ଭାବରେ ଭାରତ ଆସିଥିଲେ।
୧୯୧୭ – ଏହି ଦିନ ରୁଷ ଆନୁଷ୍ଠାନିକ ଭାବରେ ଏକ ଗଣରାଜ୍ୟ ଭାବେ ଘୋଷଣା ହୋଇଥିଲା।
୧୯୪୯ – ସମ୍ବିଧାନ ସଭା ହିନ୍ଦୀକୁ ଭାରତର ସରକାରୀ ଭାଷାର ମାନ୍ୟତା ଦେଇଥିଲା।
୧୯୫୯ – ଲୁନା-୨ ଚନ୍ଦ୍ରପୃଷ୍ଠରେ ଅବତରଣ କରିଥିଲା। ଏହା ଚନ୍ଦ୍ରପୃଷ୍ଠରେ ପହଞ୍ଚିବା ପାଇଁ ପ୍ରଥମ ମାନବ ନିର୍ମିତ ବସ୍ତୁ ଥିଲା।
୧୯୬୦ – ଖଣିଜ ତୈଳ ଉତ୍ପାଦନକାରୀ ଦେଶମାନଙ୍କ ଦ୍ୱାରା OPEC ପ୍ରତିଷ୍ଠା କରାଯାଇଥିଲା।
୨୦୦୦ – ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଆମେରିକା ସିନେଟର ଉଭୟ ଗୃହର ଏକ ମିଳିତ ବୈଠକରେ ଉଦବୋଧନ ଦେଇଥିଲେ।