ନୂଆଦିଲ୍ଲୀ, ୧୮/୦୭: ସୂଚନା ଓ ପ୍ରସାରଣ ମନ୍ତ୍ରାଳୟ ଆଜି ୭୨ତମ ଜାତୀୟ ଚଳଚ୍ଚିତ୍ର ପୁରସ୍କାରର ଘୋଷଣା କରିଛି। ନ୍ୟାସନାଲ ମିଡିଆ ସେଣ୍ଟରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏହି ପୁରସ୍କାର ଘୋଷଣା କରାଯାଇଛି। ୨୦୨୪ ମସିହାରେ ମୁକ୍ତିଲାଭ କରିଥିବା ଫିଲ୍ମଗୁଡ଼ିକ ମଧ୍ୟରୁ ୧୬୧ଟି ଫିଲ୍ମ (୨୪ଟି ଭାଷାରେ) ପ୍ରତିଯୋଗିତାରେ ସାମିଲ ହୋଇଥିଲା।
ରାଜକୁମାର ରାଓ ଅଭିନୀତ ଫିଲ୍ମ ଶ୍ରୀକାନ୍ତକୁ ଶ୍ରେଷ୍ଠ ହିନ୍ଦୀ ଫିଲ୍ମ ଭାବେ ପୁରସ୍କୃତ କରାଯାଇଛି। ଏହା ଏକ ପ୍ରେରଣାଦାୟକ ବାୟୋପିକ୍ ଫିଲ୍ମ ଯାହା ଶ୍ରୀକାନ୍ତ ନାମକ ଏକ ବ୍ୟକ୍ତିତ୍ୱର ଜୀବନୀ ଉପରେ ଆଧାରିତ।
ଏଥର ଶ୍ରେଷ୍ଠ ଅଭିନେତା ପୁରସ୍କାର ଦୁଇଜଣଙ୍କ ମଧ୍ୟରେ ବଣ୍ଟା ହୋଇଛି। ମଲୟାଳମ୍ ଫିଲ୍ମ ବ୍ରହ୍ମୟୁଗମ୍ ପାଇଁ ମାମୁଟ୍ଟି ଏବଂ ଚନ୍ଦୁ ଚାମ୍ପିୟନ୍ ପାଇଁ କାର୍ତ୍ତିକ ଆର୍ଯ୍ୟନ ଏହି ସମ୍ମାନ ଲାଭ କରିଛନ୍ତି।
ୟାମି ଗୌତମ ଫିଲ୍ମ ଆର୍ଟିକଲ୍-୩୭୦ ପାଇଁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ଜିତିଛନ୍ତି। ଜମ୍ମୁ-କାଶ୍ମୀରରୁ ଆର୍ଟିକଲ୍ ୩୭୦ ପ୍ରତ୍ୟାହାର ଘଟଣା ଉପରେ ଆଧାରିତ ଏହି ଫିଲ୍ମରେ ୟାମିଙ୍କ ଅଭିନୟ ଅତ୍ୟନ୍ତ ପ୍ରଭାବଶାଳୀ ବୋଲି ପ୍ରଶଂସିତ ହୋଇଛି।
ଅନ୍ୟାନ୍ୟ ଉଲ୍ଲେଖଯୋଗ୍ୟ ପୁରସ୍କାର
– ବେଷ୍ଟ ଫିଚର ଫିଲ୍ମ: ଆର୍ଟିକଲ୍ ୩୭୦
– ବେଷ୍ଟ ପପୁଲାର୍ ଫିଲ୍ମ: କଲ୍କି ୨୮୯୮ ଏ.ଡି.
– ବେଷ୍ଟ ଡାଇରେକ୍ଟର: ରାଜକୁମାର ପେରିୟାସାମି (ଅମରନ୍)
-ଅମର୍ତ୍ତ୍ୟ ଭଟ୍ଟାଚାର୍ଯ୍ୟ ନିର୍ଦ୍ଦେଶିତ ଲହରୀ ଶ୍ରେଷ୍ଠ ଓଡ଼ିଆ ଫିଲ୍ମ ଭାବେ ବିବେଚିତ ହୋଇଛି।