ରାଜସ୍ଥାନ ନିର୍ବାଚନ ପୂର୍ବରୁ ରାଜ୍ୟର ପ୍ରଥମ ତଥା ଦେଶର ୧୫ତମ ବନ୍ଦେ ଭାରତ ଏକ୍ସପ୍ରେସ ଦୌଡ଼ିବାକୁ ନେଇ ସବୁଜ ସଙ୍କେତ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସିଂ ଦ୍ୱାରା ଏହାର ଶୁଭାରମ୍ଭ କରିଛନ୍ତି।
ବନ୍ଦେ ଭାରତ ଏକ୍ସପ୍ରେସ ଜୟପୁର ଓ ଦିଲ୍ଲୀ କ୍ୟାଣ୍ଟନମେଣ୍ଟ ମଧ୍ୟରେ ଯାତ୍ରା କରିଛି। ଦିଲ୍ଲୀ ଓ ଆଜମେର ବନ୍ଦେ ଭାରତ ଏକ୍ସପ୍ରେସ ଜୟପୁର ରାସ୍ତାରେ ଯିବ। ଅର୍ଥାତ ଏହି ଟ୍ରେନ ଦିଲ୍ଲୀ ଓ ଜୟପୁର ପାଇଁ ବି ଉପଲବ୍ଧ ହେବ।
ନୂଆ ବନ୍ଦେ ଭାରତ ଏକ୍ସପ୍ରେସର ନିୟମିତ ସେବା ଏପ୍ରିଲ ୧୩ରୁ ଆରମ୍ଭ ହେବ। ଟ୍ରେନଟି ଆଜମେରରୁ ଦିଲ୍ଲୀ କ୍ୟାଣ୍ଟନମେଣ୍ଟ ମଧ୍ୟରେ ବୁଧବାରକୁ ଛାଡ଼ି ଅନ୍ୟ ସବୁଦିନେ ଯାତ୍ରା କରିବ। ଏହି ସମୟରେ ଜୟପୁର, ଅଲୱର ଓ ଗୁରୁଗ୍ରାମରେ ରହିବ।
ରେଳବାଇର କହିବାନୁସାରେ, ଦିଲ୍ଲୀ-ଜୟପୁର ରାସ୍ତା ପାଇଁ ବନ୍ଦେ ଭାରତ ଏକ୍ସପ୍ରେସରେ କିଛି ପରିବର୍ତ୍ତନ କରାଯାଇଛି। କାରଣ ଏହି ଦିଗରେ ଡବଲ-ଡେକର ଟ୍ରେନ ଚାଲିଥାଏ। ସେଥିପାଇଁ ଏହି ରାସ୍ତାରେ ବିଜୁଳି ତାରର ଉଚ୍ଚତା ଅଧିକ ରହିଛି। ଏଯାବତ ଚାଲିଥିବା ୧୪ଟି ବନ୍ଦେ ଭାରତ ଟ୍ରେନରେ ଏହି ସମସ୍ୟା ଦେଖା ଦେଇ ନଥିଲ।