ହିରୋସିମାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଉନ୍ମୋଚନ କଲେ ପ୍ରଧାନମନ୍ତ୍ରୀ ମୋଦି

ହିରୋସିମା: ଜାପାନର ହିରୋସିମାଠାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିଉନ୍ମୋଚନ କରିିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏ ନେଇ ସେ କହିଛନ୍ତି ଯେ ଗାନ୍ଧୀ ଶାନ୍ତିର ଆଦର୍ଶ ବିଶ୍ୱସ୍ତରରେ ପ୍ରତିଫଳିତ ହୋଇଛି ଏବଂ ଲକ୍ଷ ଲକ୍ଷ ଲୋକଙ୍କୁ ସଶକ୍ତ କରୁଛି । ଏହି ଅବସରରେ ଟୁଇଟ୍ କରି ମୋଦି ଲେଖିଛନ୍ତି, ‘‘ହିରୋସିମାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିଉନ୍ମୋଚନ କରାଯାଇଛି। ହିରୋସିମାର ଏହି ପ୍ରତିମୂର୍ତ୍ତି ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା ଦେଇଛି । ଶାନ୍ତି ଓ ସୌହାର୍ଦ୍ଦ୍ୟର ଗାନ୍ଧିବାଦୀ ଆଦର୍ଶ ବିଶ୍ୱସ୍ତରରେ ଗୁଞ୍ଜରିତ ହେବା ସହ ଲକ୍ଷ ଲକ୍ଷ ଲୋକଙ୍କୁ ଶକ୍ତି ପ୍ରଦାନ କରୁଛି।’’
ସୂଚନାନୁଯାୟୀ, ଏହା ପୂର୍ବରୁ ମୋଦି ଜାପାନର ପ୍ରଧାନମନ୍ତ୍ରୀ ଫୁମିଓ କିସିଦାଙ୍କ ସହ ମଧ୍ୟ ବୈଠକ କରିଥିଲେ । ଏ ସଂକ୍ରାନ୍ତରେ ମୋଦି ଟୁଇଟ୍ କରି କହିଛନ୍ତି, ଆଜି ସକାଳେ ପ୍ରଧାନମନ୍ତ୍ରୀ କିଶିଦାଙ୍କ ସହ ଏକ ଉତ୍ତମ ବୈଠକ ହୋଇଛି। ଆମେ ଭାରତ-ଜାପାନ ସମ୍ପର୍କର ସମୀକ୍ଷା କରିଥିଲୁ ଏବଂ ଆମ ପୃଥିବୀକୁ ଉନ୍ନତ କରିବା ଦିଗରେ ଭାରତର ଜି-୨୦ ପ୍ରେସିଡେନ୍ସି ଏବଂ ଜାପାନର ଜି-୭ ପ୍ରେସିଡେନ୍ସିର ଗୁରୁତ୍ୱପୂର୍ଣ୍ଣ କ୍ଷେତ୍ର ଉପରେ ମଧ୍ୟ ଆଲୋଚନା କରିଥିଲୁ।