ଆପଣ ସ୍ୱାସ୍ଥ୍ୟ ପ୍ରତି ସଚେତନ କି? ଜାଣନ୍ତୁ କିଛି ଟିପ୍ସ!

ଆଜିକାଲି ଲୋକଙ୍କଠାରେ ମେଦବହୁଳତା ଅନେକାଂଶରେ ଦେଖାଯାଉଛି । ମେଦବହୁଳତାର ଶିକାର ଲୋକେ ମୋଟାପଣ କମେଇବା ପାଇଁ ଖାଦ୍ୟ ଖାଇବା କମେଇ ଦେଉଛନ୍ତି । କିନ୍ତୁ ମେଦବହୁଳତା ଖାଦ୍ୟ ଅଧିକ ଖାଇବା ଦ୍ୱାରା ନୁହେଁ ବରଂ ଖାଦ୍ୟରେ ଥିବା ବ୍ୟାଡ କୋଲେଷ୍ଟ୍ରଲ ଯୋଗୁଁ ବଢିଥାଏ । କୋଲେଷ୍ଟ୍ରଲ ଯୋଗୁଁ ମେଦବହୁଳତା ବଢିବା ସହ ହୃଦଘାତର ଆଶଙ୍କା ମଧ୍ୟ ଥାଏ । ଆଉ ଲୋକମାନେ ମୋଟାପଣର ଶିକାର ହୋଇଥାନ୍ତି ଏବଂ ମୋଟାପଣକୁ କମାଇବା ପାଇଁ ଏକ୍ସରସାଇଜର ସାହାଯ୍ୟ ନେଇଥାନ୍ତି । କିନ୍ତୁ ଏକ୍ସରସାଇଜ ପାଇଁ ଯଦି ଆପଣଙ୍କ ପାଖରେ ସମୟର ଅଭାବ ତାହାଲେ ଖାଦ୍ୟ ଉପରେ ଧ୍ୟାନ ଦିଅନ୍ତୁ । କୋଲେଷ୍ଟ୍ରଲ ଯୋଗୁଁ ଖାଲି ମୋଟାପଣ କି ହୃଦଘାତର ଆଶଙ୍କା ନୁହେଁ ବରଂ ଉଚ୍ଚ ରକ୍ତଚାପ, ଡାଇବେଟିସ୍‌, ଛାତିରେ ଯନ୍ତ୍ରଣା ଓ ଚାଲିଲେ ପାଦରେ ମଧ୍ୟ ଯନ୍ତ୍ରଣା ହୋଇଥାଏ । ତେଣୁ ଡାଏଟ ଚାଟରେ ଖାଦ୍ୟ ପରିବର୍ତନ ଦ୍ୱାରା ହିଁ ବ୍ୟାଡ କୋଲେଷ୍ଟ୍ରଲକୁ ହଟାଇ ଗୁଡ୍ କୋଲେଷ୍ଟ୍ରଲ ଆଡ କରି ପାରିବେ । ସେଭଳି କିଛି ଖାଦ୍ୟ ନିଜ ଡାଏଟ ଲିଷ୍ଟରେ ଆଡ କରନ୍ତୁ ଏବଂ ସୁସ୍ଥ ଜୀବନ ଜିଅନ୍ତୁ ।
୧. ଓଟ୍ସ- କୋଲେଷ୍ଟ୍ରଲ ହ୍ରାସ କରିବା ପାଇଁ ପ୍ରଥମ ଖାଦ୍ୟ ହେଉଛି ଓଟ୍ସ । ସକାଳ ଜଳଖିଆରେ ଓଟ୍ସ, କଦଳୀ ଓ ଷ୍ଟ୍ରବେରୀ ଖାଇବା ଦ୍ୱାରା ୫ରୁ ୧୦ ଗ୍ରାମ ଫାଇବର ମିଳେ କୋଲେଷ୍ଟ୍ରଲ କମ୍ ହୋଇଥାଏ ।
୨. ଇାର୍ଲି- ଓଟ୍ସ ପରି ବାର୍ଲି ମଧ୍ୟ ଫାଇବରରେ ଭରପୂର । ଏହା ହୃଦଘାତର ଆଶଙ୍କାକୁ କମ୍ କରିଥାଏ ।
୩. ବିନ୍ସ- ବିନ୍ସରେ ପ୍ରଚୁର ମାତ୍ରାରେ ଫାଇବର ଥାଏ । ବିନ୍ସ ଖାଇବା ପରେ ହଜମ ହେବାକୁ କିଛି ସମୟ ଲାଗିଥାଏ । କିନ୍ତୁ ଓଜନ ହ୍ରାସ କରିବାକୁ ହେଲେ ବିନ୍ସ ବହୁତ ଫଳପ୍ରଦ ହୋଇଥାଏ ।
୪. ଭେଣ୍ଡି- ଭେଣ୍ଡିରେ କମ କ୍ୟାଲୋରୀ ଥାଏ ଓ ହାଇ ଫାଇବର ଥାଏ ଯାହାକି ସ୍ୱାସ୍ଥ୍ୟ ପାଇଁ ବହୁତ ଉପକାରୀ ।
୫. ବାଦାମ- ବାଦାମରେ ଚିନାବାଦାମ, ଆଲମଣ୍ଡ, ଅଖରୋଟ ଓ ପେସ୍ତା ସହ ଯେକୌଣସି ବାଦାମ ଖାଇଲେ ବି ସେଥିରେ ଥିବା ପୋଷକ ତତ୍ୱ ହାର୍ଟକୁ ସୁରକ୍ଷିତ ରଖିଥାଏ ।
୬. ଖାଇବା ତେଲ- ରୋଷେଇ ସମୟରେ ବଟର ବ୍ୟବହାର କରିବା ପରିବର୍ତେ ଯଦି ସୂର୍ଯ୍ୟମୁଖୀ ତେଲ କିମ୍ବା ଅଲିଭ୍ ଅଏଲ ବ୍ୟବହାର କରିବେ ତାହାଲେ ଏଥିରେ ବ୍ୟାଡ କୋଲେଷ୍ଟ୍ରଲ କମିଥାଏ ।
୭. ଫଳ- ସେଓ, ଅଙ୍ଗୁର, ଷ୍ଟ୍ରବେରୀ, ସାଇଟ୍ରସ ଫଳରେ ପେକ୍ଟିନ ଭରପୂର ଥିବାରୁ ଏହା କୋଲେଷ୍ଟ୍ରଲକୁ କମ୍ କରିଥାଏ ।
ଏହା ସହ ଆପଣ ଡ୍ରିଙ୍କରେ ଅମୁଲ ଯୁକ୍ତ ଚା ବଦଳରେ ରେଡ ଟି, ଗ୍ରୀନ ଟି ଲେମ୍ବୁ ପାଣି ଭଳି ପାନୀୟ ଆଡ କଲେ ଅଧିକ ଉପକାର ହୋଇଥାଏ ।