ସେପ୍ଟେମ୍ବର ୧ରେ ଭାରତର ନୂଆ ଯୁଦ୍ଧ ଜାହାଜ ‘ମହେନ୍ଦ୍ରଗିରି’

ମୁମ୍ବାଇ: ଭାରତୀୟ ନୌସେନାର ସାମର୍ଥ୍ୟବୃଦ୍ଧି ପାଇଁ ଉପରାଷ୍ଟ୍ରପତି ଜଗଦୀପ ଧନଖଡ଼ଙ୍କ ପତ୍ନୀ ସୁଦେଶ ଧନଖର ସେପ୍ଟେମ୍ବର ପହିଲାରେ ଭାରତର ଅତ୍ୟାଧୁନିକ ଯୁଦ୍ଧ ଜାହାଜ ମହେନ୍ଦ୍ରଗିରିକୁ ମୁମ୍ବାଇର ମାଜାଗାଓଁ ଡକ୍ ଶିପ୍ ବିଲଡର୍ସ ଲିମିଟେଡରେ ଶୁଭାରମ୍ଭ କରିବେ।

ଏହା ପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଗଷ୍ଟ ୧୭ ରେ ଜିଆରଏସଇଠାରେ ପ୍ରୋଜେକ୍ଟ ୧୭ଏର ଷଷ୍ଠ ଯୁଦ୍ଧ ଜାହାଜ ବିନ୍ଧ୍ୟଗିରିର ଶୁଭାରମ୍ଭ କରିଥିଲେ ।

ମହେନ୍ଦ୍ରଗିରିର ଶୁଭାରମ୍ଭ ଏକ ଆତ୍ମନିର୍ଭରଶୀଳ ନୌସେନା ଗଠନରେ ଆମ ଦେଶ ଯେଉଁ ଅବିଶ୍ୱସନୀୟ ଅଗ୍ରଗତି କରିଛି ତାହାର ଏକ ଉପଯୁକ୍ତ ପ୍ରମାଣ ବୋଲି ଭାରତୀୟ ନୌସେନା ପକ୍ଷରୁ ଜାରି ବିବୃତିରେ କୁହାଯାଇଛି।

ମହେନ୍ଦ୍ରଗିରି ହେଉଛି ପ୍ରୋଜେକ୍ଟ ୧୭ଏର ସପ୍ତମ ତଥା ଶେଷ ଷ୍ଟିଲ୍ଥ ଫ୍ରିଗେଟ୍। ଏହି ପ୍ରକଳ୍ପ ଅଧୀନରେ ମାଜାଗାଓଁ ଡକ୍ ଶିପ୍ ବିଲଡର୍ସ ଲିମିଟେଡରେ ଏବଂ ଅବଶିଷ୍ଟ ୪ଟି ଯୁଦ୍ଧ ଜାହାଜ କୋଲକାତାର ଗାର୍ଡେନ୍ ରିଚ୍ ଶିପ୍ ବିଲଡର୍ସ ଆଣ୍ଡ ଇଞ୍ଜିନିୟର୍ସ (ଜିଆର୍ଏସ୍ଇ)ରେ ନିର୍ମାଣ କରାଯାଉଛି। ପ୍ରୋଜେକ୍ଟ ୧୭ଏ ଫ୍ରିଗେଟ୍ ହେଉଛି ପ୍ରୋଜେକ୍ଟ ୧୭ (ଶିବାଲିକ କ୍ଲାସ) ଫ୍ରିଗେଟର ଅନୁସରଣ, ଯେଉଁଥିରେ ଉନ୍ନତ ଷ୍ଟିଲ୍ଥ ଫିଚର୍ସ, ଉନ୍ନତ ଅସ୍ତ୍ରଶସ୍ତ୍ର ଏବଂ ସେନ୍ସର ଏବଂ ପ୍ଲାଟଫର୍ମ ମ୍ୟାନେଜମେଣ୍ଟ ସିଷ୍ଟମ ରହିଛି ।

ପ୍ରୋଜେକ୍ଟ ୧୭ଏ ଅଧୀନରେ ପୂର୍ବରୁ ୫ଟି ଯୁଦ୍ଧ ଜାହାଜ ୨୦୧୯-୨୨ ରେ ଶୁଭାରମ୍ଭ କରାଯାଇଥିଲା। ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରଶୀଳତା ସରକାରଙ୍କ ପାଇଁ ସର୍ବୋଚ୍ଚ ପ୍ରାଥମିକତା ହୋଇଥିବା ବେଳେ ଏବଂ ଭାରତ ମହାସାଗର ଅଞ୍ଚଳ (ଆଇଓଆର୍)ରେ ଶକ୍ତି ଗତିଶୀଳତା ବଦଳୁଥିବା ବେଳେ ଚୀନ୍ ପିପୁଲ୍ସ ଲିବରେସନ୍ ଆର୍ମି-ନେଭି (ପିଏଲ୍) ନିଜର ପାଦ ବଢ଼ାଇବା ପାଇଁ ମିଳିତ ପ୍ରୟାସ ଜାରି ରଖିଛି।