ନୂଆଦିଲ୍ଲୀ, ୦୨/୦୫: ରାମ ମନ୍ଦିରକୁ ଯିବା ପାଇଁ ଥିବା ମାର୍ଗ ରାମ ପଥରେ ଆମିଷ ଓ ନିଶା ଦ୍ରବ୍ୟ ବିକ୍ରି ଉପରେ ନିଷେଧାଦେଶ ଜାରି କରାଯାଇଛି। ଅଯୋଧ୍ୟା ଓ ଫୈଜାବାଦ ସହରକୁ ସଂଯୋଗ କରୁଥିବା ଏହି ୧୪ କିଲୋମିଟର ରାସ୍ତାରେ ମଦ ଓ ମାଂସ ବିକ୍ରି ଉପରେ ରୋକ ଲଗାଇବା ପାଇଁ ଅଯୋଧ୍ୟା ମହାନଗର ନିଗମ ନିଷ୍ପତ୍ତି ନେଇଛି। ଅଯୋଧ୍ୟା ମେୟର ଗିରିଶ ପତି ତ୍ରିପାଠୀ ଗୁରୁବାର ଏହି ଘୋଷଣା କରିଥିଲେ। ଖୁବଶୀଘ୍ର ଆନୁଷ୍ଠାନିକ ଭାବେ ଏହା ଘୋଷଣା କରାଯିବ।
ଆହୁରି ପଢ଼ନ୍ତୁ...
ପାନ, ଗୁଟଖା, ବିଡ଼ି, ସିଗାରେଟ୍ ଓ ଅନ୍ତଃବସ୍ତ୍ରର ବିଜ୍ଞାପନ ଉପରେ ମଧ୍ୟ ଏହି କଟକଣା ଲାଗୁ ହେବ। ଅଯୋଧ୍ୟାରେ ମାଂସ ଓ ମଦ ବିକ୍ରି ଦୀର୍ଘ ଦିନ ଧରି ହୋଇନଥିବା ବେଳେ ନୂତନ ଭାବେ ଫୈଜାବାଦ ସହରକୁ ମଧ୍ୟ ଅନ୍ତର୍ଭୁକ୍ତ କରାଯାଇଛି। ଏହି ଦୁଇ ସହରକୁ ଲଗାଇ ସମଗ୍ର ରାମ ପଥ ରହିଛି। ଫୈଜାବାଦର ୫ କିଲୋମିଟର ପର୍ଯ୍ୟନ୍ତ ରାମ ପଥ ରହିଛି। ଧାର୍ମିକ ଭାବନାକୁ ବଜାୟ ରଖିବା ପାଇଁ ଏହି ନିଷ୍ପତ୍ତି ନିଆଯାଇଛି।