ନୂଆଦିଲ୍ଲୀ, ୪/୧୦: ଜଣେ ଭାରତୀୟ ଛାତ୍ରଙ୍କୁ ଆମେରିକାରେ ଗୁଳି କରି ହତ୍ୟା କରାଯାଇଛି। ଛାତ୍ର ଜଣକ ଉଚ୍ଚଶିକ୍ଷା ପାଇଁ ହାଇଦ୍ରାବାଦରୁ ଆମେରିକା ଯାଇଥିବା ବେଳେ ତାଙ୍କୁ ଟେକ୍ସାସରେ ଦୁର୍ବୃତ୍ତମାନେ ଗୁଳି କରି ହତ୍ୟା କରିଛନ୍ତି ବୋଲି କହିଛନ୍ତି ତେଲେଙ୍ଗାନାର ପୂର୍ବତନ ମନ୍ତ୍ରୀ ଏବଂ ବିଆରଏସ ବିଧାୟକ ଟି ହରିଶ ରାଓ।
ଆହୁରି ପଢ଼ନ୍ତୁ...
ହରିଶ ରାଓ କହିଛନ୍ତି ଯେ ସେ ଏବଂ ଅନ୍ୟ ଦଳର ନେତାମାନେ ମୃତ ଚନ୍ଦ୍ରଶେଖର ପୋଲଙ୍କ ପରିବାରକୁ ହାଇଦ୍ରାବାଦରେ ତାଙ୍କ ଘରେ ଭେଟିଥିଲେ। ସେ ଏକ୍ସରେ କହିଛନ୍ତି, “ଏହା ଦୁଃଖଦ ଯେ ଏଲବି ନଗରର ଜଣେ ଦଳିତ ଛାତ୍ର ଚନ୍ଦ୍ରଶେଖର ପୋଲ, ଯିଏ ବିଡିଏସ ସମାପ୍ତ କରି ଉଚ୍ଚଶିକ୍ଷା ପାଇଁ ଆମେରିକା (ଡାଲାସ) ଯାଇଥିଲେ, ସେ ଭୋର ସମୟରେ ଦୁର୍ବୃତ୍ତମାନଙ୍କ ଦ୍ୱାରା କରାଯାଇଥିବା ଗୁଳିମାଡ଼ରେ ମୃତ୍ୟୁବରଣ କରିଛନ୍ତି।
ଏଥିସହ ବିଧାୟକ ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡୀଙ୍କୁ ଶେଷକୃତ୍ୟ ପାଇଁ ପୀଡିତାଙ୍କ ମୃତଦେହ ଫେରାଇ ଆଣିବାକୁ ଅନୁରୋଧ କରିଛନ୍ତି।