ଫଳ ବଜାରରେ ଖସି ପଡ଼ିଲା ବିମାନ

ତେହେରାନ, ୨୪/୦୨: କେନ୍ଦ୍ରୀୟ ଇରାନରେ ତାଲିମ ସମୟରେ ଏକ ସାମରିକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ହେଲିକପ୍ଟରଟି ଫଳ ଏବଂ ପନିପରିବା ବଜାରରେ ଖସି ପଡ଼ିଛି। ଏହି ଦୁର୍ଘଟଣାରେ ଚାରି ଜଣଙ୍କର ମୃତ୍ୟୁ ହୋଇଛି। ଏହା ଗତ କିଛି ଦିନ ମଧ୍ୟରେ ଦ୍ୱିତୀୟ ସାମରିକ ହେଲିକପ୍ଟର ଦୁର୍ଘଟଣା।

ଇରାନର ସରକାରୀ ଗଣମାଧ୍ୟମ ଅନୁଯାୟୀ, ମୃତକଙ୍କ ମଧ୍ୟରେ ପାଇଲଟ୍ ଏବଂ ସହ-ପାଇଲଟ୍ ଅଛନ୍ତି। ଅନ୍ୟ ଦୁଇଜଣ ବଜାରର ସାଧାରଣ ନାଗରିକ ଥିଲେ। ସେମାନେ କହିଛନ୍ତି ଯେ ହେଲିକପ୍ଟରଟି ତେହେରାନରୁ ପ୍ରାୟ ୩୩୦ କିଲୋମିଟର ଦକ୍ଷିଣରେ ଡୋରଚେ ସହରରେ ଦୁର୍ଘଟଣାଗ୍ରସ୍ତ ହୋଇଛି। ସେନା ହେଲିକପ୍ଟରଟି ଏକ ତାଲିମ ଉଡ଼ାଣରେ ଥିଲା।